Эргнеты хъæуы инцидентты превенцийы æмæ уыдоныл реагир кæныны механизмы фæлгæтты радон 62-æм фембæлд уагъд цæуы.   

Фембæлды агъоммæ ирон фарс дзыллон-информацион фæрæзтæн комментари не ‘скодта.

Фембæлды хайадисджытæ фæстаг иу мæйы дæргъы фиксиргонд инциденттæм æркæсдзысты. Афтæ-ма раздæры фембæлдтытæй баззайгæ темæтæм, се ‘хсæн ахалгойраг бынæттон цæрæг Башарули Давиты мардыбуары тæрхонон-медицинон хатдзæджы фæдыл.

Гуырдзиаг фарс ивгъуыд азы а. х. арæны æнæзакъонон ахизынæй фæаххосджынгæнгæ ахст гуырдзыстойнаг 2 æмбæстаджы фарст дæр спротест кæндзæнис, ацы 2 адæймаг Цхинвалы ахæстоны бакодтой. Уыдонæн 1 афæдз ахæстоны бадыны тæрхон скодтой.

Æркæсинаг фарстæты номхыгъды æнæзакъонон ахæстытæ дæр ис. Инцидентты форматы уагъд раздæры фембæлдтытæй абоны онг а. х. (афтæ хонгæ) арæны æнæзакъонон ахизынæй фæаххосджынгæнгæ Уæрæсейы арæнхъахъхъæнджытæ гуырдзыстойнаг 11 æмбæстаг æрцахстой, ныртæккæ уыдонæй алчидæр ссæрибаргонд у.

Боны фæткмæ хаст æрцыд Тъирипоны къанауы ссыгъдæг кæныны фарст дæр. Фембæлдыл ма æруынаффæ кæндзысты дихгæнæг хаххыл сындзджын телты æмæ æндæр барьерты фæстиуæгæн бынæттон цæрджытæн сырæзгæ проблемæтыл.

Инцидентты превенцийы æмæ уыдоныл реагир кæныны механизмы фæлгæтты цæугæ фембæлдыл гуырдзиаг фарсы фидыды æмæ æмбæстагон æмбарады фарстæты паддзахадон министры аппарат æмæ паддзахадон æдасдзинады куыстуат равдисдзысты.