Ачабетæй лигъдон Хадури Зейнаб йæ фыртæн бинонтæ æркодта Хурвалеты коттеджы æрцæргæйæ. Ныртæккæ уыдонмæ иунæг лари дæр нæй хæдзары.

Зымæгмæ сæхи схъарм кæнынæн суг 425 ларийæ балхæдтой. Социалон æххуысы та, цалдæр мæйы иумæ, развæлгъау райстой.

Йæ фырт кусы кæцыдæр заводы сезонмæ гæсгæ. Афæдзы мидæг цалдæр мæйы æгуыст вæййы.

«Æрдзон газ нæм уагъд ис, фæлæ хъарм кæнынæн уæддæр сугæй пайда кæнæм. Электрон пец ивгъуыд мæйы сиу кодтам, фæлæ тынг бирæ фидинаг æрбацыдис æмæ дзы ныр нал пайда кæнæм», - зæгъы Хадури Зейнаб.

Шошиташвили Эмзары бинонтæ хæсты рæстæджы Ксуисы хъæуæй рацыдысты. Ныртæккæ, йæ бинойнаг æмæ сывæллæттимæ иумæ коттеджы цæры. Æгуыст у, æмæ йын куыст уæд фæзыны, кæд æмæ йæ зонгæтæй исчи арæзтадмæ кусынмæ акæны.

Йæ бинойнагæн та уæдмæ уыд куыст, цалынмæ Хурвалеты цæрæнуаты сабиты ирхæфсæн центр куыста. Ацы центр æхсæнадæмон æнæхицауадон организациты финансон æххуысæй уыд арæзт.

Бæрæг периоды фæстæ ирхæфсæн центр йæ куыстæй æрлæууыд. Центры сфинансгæнæг ничиуал разынд.

«Уазæг нæм куы æрцæуы, цæрæнуаты нæм магазин дæр нæй, цæмæй исты продукт балхæнæм. Сыхаг хъæумæ Надарбазевимæ нæ бахъæуы ацæуын», - дзуры Шошиташвили Эмзар.

Уымæлгонд коттеджты цæрджытæн нузыны дон дæр нæй фаг.

«Цалынмæ нуазыны дон хæдзæрттæм æрбауагътаиккам, уæдмæ сыхы кранттæ уыдис. Уыдоны дон хорз цыдис. Стæй йæ алчидæр хæдзармæ куы бауагъта, уæд дон нал фаг кæны æмæ ма чысылтæ цæуы», - зæгъы Шошиташвили Эмзар.