Хуссар Ирыстоны дэ-факто президент Тыбылты Леонид Хуссар Ирыстоны раздæры автономон облæсты территорийæ гуырдзиæгты этникон сыгъдæджы фактыл нæ разы кæны.

Ай фæдыл Тыбылты Леонид курдиат уый фæстæ сарæзта, Гаагайы æхсæнадæмон тæрхондоны прокурор Фату Бенсуда гуырдзиæгты этникон сыгъдæджы тыххæй куы загъта.

2016 азы 27-æм январы Фату Бенсуда Гаагайы тæрхондоны фæдагуырды райдайыны домынадæй бадæтта курдиат.

Гаагайы тæрхондон та, фæдагуырд 2016 азы 27-æм январæй райдыдта.

Фæдагуырды райдайынæн, конфликты зонæйы, 2008 азы 1-аг июлæй 8-æм октябры онг саразгæ фыдракæндты фактытæ æвæрд æрцыдысты бындурæн.

2016 азы 28-æм январы Уæрæсе Гаагайы тæрхондонмæ, Хуссар Ирыстоны æрцæугæ хæсты фæдыл, йæхи сæрмагонд æрмæджытæ адæтта.

29-æм январы Уæрæсейы фæсарæйнаг хъуыддæгты министрады минæвар Мария Захарова загъта, цæмæй Уæрæсе æхсæнадæмон тæрхондоны скъуыддзагæй фыдæнхъæл фæци.

«Бенсудайы курдиат, уый фæдыл, æмæ дам, мæрдты ‘хсæн гуырдзиаг батальоны миротворецтæ ис. Раст дæр, гуырдзиаг миротворецты батальен уыд хæсджын бахъахъхъæдтаид сабырад, нырма ноджы, гуырдзиæгты ‘рдыгæй æфсæддон операцийы райдыды агъоммæ дæр. Ацы батальен та ныууагъта дисслокацийы бынат. Ацы операци арæзт уыдис Гуырдзыстоны хицауады ‘рдыгæй, нæ адæмы ныхмæ». – цитировать кæны Тыбылты Леониды ныхæстæ информацион агентад «Кавказаг узел».

Уый бахахх кодта уыцы уавæры, цæмæй миротворецтæй чи фæхъуыд, уый æрмæстдæр, Уæрæсейы сабырадон тыхтæ бавзæрстой.

Дэ-факто президентмæ уый дæр диссаг кæсы, цæмæй уыцы органо, кæцы цахæмфæнды фыдракæнд хъуамæ бæлвырд кæна хæдбарæй, сæрæй, æндæр хуызæй райдайы йæ архайд.

«Æз, куыд Хуссар Ирыстоны президент, сидын, цæмæй этникон сыгъдæгæн Хуссар Ирыстоны бынат нæ уыди. Зыдтой йæ, цæмæй кæй æрцыдаид уæрæхмасштабон хæст Хуссар Ирыстоны ныхмæ, æмæ гуырдзиаг цæрджытæ сæ цæрæнуæттæ уагътой, уый фæстæ сæ сæхæдæг пырх кодтой, сыгътой сæ хæдзæртты æмæ ницыуал уагътой», - банысан кодта дэ-факто президент.

Тибиловы хъуыдымæ гæсгæйæ, æхсæнадæмон тæрхондон, 2008 азы фæзындтæм гæсгæ, ирæтты æмæ йын йæ хæлар Уæрæсейы фæзылынджын кæныныл архайы.

Агентад «Кавказаг узел» кой кæны Фату Бенсудайы рагон курдиаты тыххæй дæр, цыран нысангонд ис, цæмæй кæд Уæрæсе æмæ Хуссар Ирыстон æхсæнадæмон уголовон тæрхондоны фæдагуырды хайад исыныл нæ зæгъдзысты, уæддæр уый 2008 азы конфликты сбæлвырд кæнынæн нæ бахъыг дардзæнис.