Гуырдзиаг, ирон æмæ абхазаг фæрстæ ахæстытæ баивтой.

Ай фæдыл Шида Картлийы информацион центрæн фидыды министрадæй фехъусын кодтой.

Пресс-службæйы бæрæггæнæнмæ гæсгæ, дихгæнæг хаххыл ахæстыты ссæрибаркæнынад æрцыд сабырадон процессы фæлгæтты.

Абхазийы æмæ Хуссар Ирыстоны дэ-факто хицауадимæ баныхасмæ гæсгæйæ, гуырдзиаг фарсæн лæвæрд æрцыд Абхазийы æмæ Хуссар Ирыстоны территорийыл фæстаг 6-7 азы дæргъы æнæзакъонæй ахæстоны уæвæг Гуырдзыстоны 14 æмбæстаг. Сæ бæсты та гуырдзиаг фарс ирон фарсæн 4 ссæрибаргонд гоймаг ратта.

Ахæстыты ссæрибар кæнын Абхазийы æмæ Хуссар Ирыстоны дэ-факто хицауадимæ комкоммæ бадзырдты æмæ разыдзинады фæстиуæгæй æххæстгонд æрцыд.

Гуырдзиаг фарсы ‘рдыгæй ссæрибаргонд гоймæгтæ сты: Уалыты Гия Вилгемы фырт, Зассеты Георги Валерийы фырт, Хъошты Йосеб Адикойы фырт æмæ Турашвили Борис Зурабы фырт.

Сæ бæсты та, абхазаг æмæ ирон фæрстимæ баныхасгæнгæйæ, абхазаг фарс ссæрибар кодта: Джгъаркава Омары, Охъуджава Джемикойы, Руруа Малхазы, Торадзе Зурабы, Хухуа Шалвайы, Цагурия Элдары, Шония Манучары, Шедания-Асеева Дианæйы æмæ Герлиани Кобайы;
Ирон фарс та ссæрибар кодта: Миделашвили Джемалы, Илуридзе Гелайы, Григалашвили Теймуразы æмæ Пухаты Игоры.

Гуырдзиаг фасы ‘рдыгæй ссæрибаргонд гоймæгты ‘хсæн уыдон дæр сты, кæцытæ Гуры æрцæугæ теракты хайадисыны аххосæй уыдысты ахст.

Мидхъуыддæгты министрады рапарахаты пресс-релизмæ гæсгæйæ, Гуры теракты хайадисыны тыххæй Уалыты Гия, Зассеты Георги æмæ Хъошты Йосебы æрцахстой.

Теракты рæстæджы фæмард æртæ адæймаджы æмæ 30-мæ ‘ввахс адæймаг зиан райстой.