Гуры горæты административон уагдоны сæрдарæй Метревели Илья æвзæрст æрцыд.

Уый тыххæй цалдæр минуты размæ сусæг халæппæрсты фæстиуджыты банымады фæстæ сси зындгонд.

Метревели Илья раздæры мидхъуыддæгты министры Окруашвили Ираклийы арæзт «Гуырдзиаг партийы» бæрнонлæг у.

Метревели 2006-2010 азты административон уагдоны уæнг дæр уыдис.
Раздæры сакстандарты Гуры филиалы разамонæг Метревели Илья 2007 азы, Окруашвили æмæ нациналон змæлды ахицæны фæстæ, Окруашвилийы командæйы баззад.

«Сæрибар демократты» минæвар Тедлиашвили Тамар Метревели Ильяйы сæвзæрсты ныхмæ у æмæ зæгъы, цæмæй бынат ис коалици «Гуырдзиаг бæллицы» æмæ «Гуырдзиаг партийы» ‘хсæн бадзырдæн.

Хъуыддаг уый мидæг ис, цæмæй 2016 азы 4-æм февралы административон уагдоны сæрдар Коберидзе Пъапъунайы 8 уæнг йæ бынатæй систой.

Ацы асты мидæг «Сæрибар демократтæ» æмæ «Гуырдзиаг парти» уыд иугонд.
Административон уагдоны сæрдары æмæ æндæр гæсады гоймæгты импичментты фæстæ сæрдары кандидатурæйыл Аласани Иракли æмæ Окруашвили Ираклийы командæйы уæнгтæ нæ бафидыдтой.
Коалицион асты иудзинад рæстæгмæ разынд.

Тедлиашвили Тамар гуырысхо кæны, цæмæй Метревели Илья хъæлæстæ райста «Гуырдзиаг бæллицæй».
Сæрмагонд, «Гуырдзиаг партийæн» 4 уæнг ис.
«Сæрибар демократты» фарсхæцæгыл 3 уæнг нымад цæуы. Уый фæстæ 8 депутатæй дыууæ – лейбористон партийы æмæ Бурджанадзе-Демократон Гуырдзыстоны минæвар у. Иннæтæ та, «Гуырдзиаг бæллицы» æвдисынц.

Административон уагдоны æдæппæт 15 уæнг ис, Метревели Ильяйæн хъæлæс ратта 10 депутаты.

Ныртæккæ, административон уагдоны сæрдары хæдивæджы бынатмæ кандидатурæйæн хæлттæ ‘ппарынц. Бавдыстгонд у Бурджанадзе-Демократон Гуырдзыстоны минæвар Росебашвили Зураб.