Гуры муниципалитеты Джариашены хъæуы, уырыссаг æфсæддонты ‘рдыгæй арæзт хаххы тыххæй ирон фарс æмбарын кæны.

Эргнеты 64-æм бадзырдты фæуды фæстæ, журналисттимæ Санахъоты Давит ныхас кодта.

Уый ныхасмæ гæсгæ, трактортæй къахтгонд хаххæн фæндаджы нысаниуæг нæй.

«Уый фæндаг нæу. Ацы хахх зынгсирвæзты ныхмæдзинадæн арæзт æрцыд. Зынгсирвæзты фæзынды цаутæ ивгъуыд азты уыдис. Гуырдзыстоны æмбæстæгтæ арæныл хизынц, кæцы фæстæмæ проблемæйæ зайы», - загъта Санахъоты Давит.
Санахъоты Давиты ныхасмæ гæсгæ, Эргнеты фембæлдыл Гуырдзыстоны æмбæстæгты ‘рдыгæй дихгæнæг хаххæй ахизыны 5 цаумæ æркастысты.

Ацы фондз цауы 63-æм фембæлдæй 64-æм фембæлдмæ фиксиргонд æрцыдысты.

Фембæлдыл ма ныхас цыд Ахалгоры районы Балашвили Мерабы цæрæнуаты сызмæнтын æмæ фæмардуæвæг Башарули Давиты фарсты фæдыл.

Гуырдзыстоны паддзахадон æдасдзинады аналитикон департаменты минæвар Кобахидзе Давиты ныхасмæ гæсгæ, Балашвили Мерабы цæрæнуаты æрцахсыны фæдыл, ирон фарс информаци иннæ 65-æм фембæлдыл бавдисдзæн.

Кобахидзе Давит гуырдзиаг фарсы позици Джариашены цæугæ фæзындтыл журналисттимæ ныхасы рæстæджы дæр загъта.

Кобахидзе Давит (Гуырдзыстоны паддзахадон æдасдзинады аналитикон департаменты минæвар): - «Фембæлдыл æркастыстæм фæстаг периоды Гуры районы Джариашены хъæумæ ‘ввахс территорийыл оккупацион тыхты ‘рдыгæй æнæзакъонон куыстыты фарстмæ. Уыцы периоды махæрдыгæй фиксиргонд уыд, цæмæй æнгæс архæйдтытæ къух нæ аразынц сабырадæн æмæ стабилизацийæн æмæ бынæттон цæрджытæн кæй кæны проблемæтæ. Ацы фарст йæ нысаниуæгмæ гæсгæйæ гуырдзиаг фарсы ‘рдыгæй æрцæудзæн æвæрд иннæ къуырийы сплангонд Женевæйы æхсæнадæмон бадзырдты радон раундыл».

«Афтæ ма ныхас кодтам Тъирипоны донхорыг къанауойы сыгъдæггæнæн куыстыты фæдыл æмæ ныр æнхъæлмæ кæсæм æввахс рæстæджы конкретон фæстиуæгмæ. Фембæлдыл ма гуырдзиаг фарсы ‘рдыгæй æвæрд æрцыд Гуырдзыстоны æмбæстаг, лигъдоны цæрæнуатмæ балæбурыны æмæ йын йæ исады æнæзакъонæй æрцахсты фарст дæр. Ай æрцыд оккупацигонд Ахалгоры районы. Дэ-факто хицауады минæвæрттæ нын баныфс æвæрдтой, цæмæй нын иннæ фембæлды рæстæджы, конкретон информаци кæй бавдисдзысты».