Дихгæнæнг хаххмæ ‘ввахс 11 хъæуы: Зардианткъары, Твауриты хъæуы, Арбойы, Никозы, Тхъвиауы, Шаушвебы, Авлевы, Дваны, Дирбы æмæ а. д. хуымгæнæн куыстытæ æрмæст паддзахадон арæнгонд бæрнондзинады æхсæнад «Механизатор» æххæст кæны.

«Механизаторы» куыстытæ Къаспы муниципалитеты Ламисхъанайы темы Зардианткъары хъæуы хуымгонды хъæууон хæдзарады министры хæдивæг Нозадзе Юри, арæнгонд бæрнондзинады æхсæнад «Механизаторы» генералон директор Шехъеладзе Пъаатъа æмæ Шида Картлийы губернаторы хæстæ æххæстгæнæг Окромелидзе Сосо бабæрæг кодтой.

Ламисхъанайы темы, Зардианткъары хъæуы ацы аз 232.86 гектары хуымзæххы хай куыстгонд æрцæудзæнис.

Хуымгонды картæ 406 фермеры райстой, фæлæ агрокартæ та 169. Куыстыты арæнгонд бæрнондзинады æхсæнад «Механизаторы» 5 трактор æххæст кæны.

Чысыл хуымзæххы фермертæ 2016 азы уалдзыгон куыстыты æнцонвадатон проектæй ацы аз Шида Картлийы регионы 69049 фермеры спайда кæндзæни. Хъæууон хæдзарады, хуымгонды картæ 16097 бенефициарæн байуæрстой (иу гектарыл 140 ларийы бахынцыдæй).

Бынæттон цæрджытæн дæр агро картæтыл нымадмæ бахæсдзысты агробаллтæ кæцыйы фæрæзæй сæ бон уыдзæн балхæной, хъацæнтæ, тауинаг, зайæгойтæм зилыны фæрæзтæ æмæ садзæнтæ.

«Паддзахады æххуыс ныртæккæ алкæмæй фылдæр хъæуы дихгæнæг хаххмæ ‘ввахс хъæуты. Хъæууон хæдзарады министрад ныридæгæн 4-æм аз уалдзыгон куыстыты æнцонвадатон проекты æххæст кæны, кæцы ориентацигонд у чысыл хуымзæххон фермерты максималон æнцонвадатыл. Паддзахад алкæмæй нысаниуæгджындæр куыстытæ – хуымгонды процессы æххуыс кæны фермертæн. Программæйы фæлгæтты, ацы аз æххуыс 800 000-онг чысыл хуымзæххон фермер райсдзæнис», - зæгъы Нозадзе Юри.