Саудон Аравийы хъæууон хæдзарады министрады минæвæрттæ Гуырдзыстонмæ фыццаг хатт æрцыдысты.

Визит иу къуырийон у, кæцыйы фæлгæтты фæрстæ Гуырдзыстоны аграрон секторы потенциалимæ базонгæ уыдзысты æмæ дыууæ бæстæйы ‘хсæн фидæны æмкуысткæнынады фарстæтыл æрныхас кæндзысты.

Гуырдзыстоны хъæууон хæдзарады министры хæдивæгтæ Давиташвили Леуан æмæ Нозадзе Юри Саудон Аравийы хъæууон хæдзарады министрады делегацийы уæнгтимæ фембæлдысты.

Делегацийæн къухдариуæг кæны Саудон Аравийы хъæууон хæдзарады министры хæдивæг, доктор Емад Ал Даиджи.

«Куыд зонут афтæмæй, Саудон Арави исы гуырдзиаг фосы продукт – фыс. Делегацийы уæнгтæн фенын кæндзыстæм æмæ сæ базонгæ кæндзыстæм инфраструктурæимæ ветеринары къуымæй. Визиты фæлгæтты ма уазджытæ базонгæ уыдзысты Гуырдзыстоны инвестицион потенциалимæ æмæ зонад-иртасæн æрдæмадтæм цæугæ архайддзинæдтимæ», - фæнысан кодта Давиташвили Леуан.

Хъæууон хæдзарады министрады ауадзгæ фембæлды фæстæ, делегацийы уæнгтæ хъæууон хæдзарады министрады зонад-иртасæн центры, хъæууон хæдзарады министрады лабораторийы офисты бабæрæг кодтой æмæ сын сæ архайддзинадимæ базонгæ сты.

Визиты фæлгæтты ма спълангонд у Джигъаурæйы хъæууон хæдзарадон базæйы, бæстæйы масштабæй бæласы талаты хæдзарадты, фермæты æмæ кондæтты бабæрæг кæнын дæр.

Саудон Аравийы баиугонд паддзахад у стырдæр базартæй сæ иу. Ацы базармæ гуырдзиаг аграрон продукцийы ахæссын æнцонвадат скæнынæн бæстæйы экономикæйы æмæ, уыдон æхсæн, хъæууон хæдзарады рæзынадæн нысаниуæгджын фактор у.

Саудон Аравийы хъæууон хæдзарады министрады делегацийы сконды сты министрады æхсæнадæмон æмкусджыты департаменты, Наджраны дыргъдонгæсты иртасæн центры, зайæгойты департаменты, фосы карантины хайады, æрдзон ресурсты департаменты къухдариуæггæнæг гоймæгтæ.