Полицион контролы рæстæджы сбæрæг уголовон 192 фыдракæнд æмæ фиксиргонд æрцыд административон закъонхæлды 966 цауы. Мидхъуыддæгты министрад, фыдракæнды превенцийы æмæ æхсæнадон уагæвæрды хъахъхъæныны нысанæй, полицийы тыххæй Гуырдзыстоны закъоны 24-æм пунктмæ гæсгæйæ, æнæхъæн бæстæйы масштабæй, специалон полицион контроль ауагъта.

Информаци Шида Картлийы информацион центрæн бæрнады æхсæнадимæ æмахастыты куыстуаты æмкусæг фехъусын кодта.
Мидхъуыддæгты министрады централон криминалон полицийы департаменты æмæ мидхъуыддæгты министрады территорион дæлхæйтты ‘рдыгæй 2016 азы 23-26 мартъийы ауадзгæ полицион контролы рæстæджы, барадхъахъхъæнджытæ 2 агургæ гоймаг æрцахстой.

Рабæрæг уголовон 192 фыдракæнды, уыдон æхсæн: зынгæхсгæ хотыхæй закъон халыны 67 факты.

Наркотикты æнæзакъонæй æлхæды æмæ уæйы 29 факты.

Гуырдзыстонмæ наркотикты æнæзакъонæй æрбахæссыны 8 факты.

Давыны 2 факты.

Фиксиргонд æрцыд административон закъон халыны 966 цауы, уыдон æхсæн: наркотиктæй æнæзакъонæй пайда кæныны 77 факты.

Хулигандзинады 28 факты.

Ныхмæдзинады æмæ хулигандзинады 34 факты.

Полицион контролы рæстæджы æнæзакъонон æрзылдæй ист æрцыд ахæм хуыз зынгæхсгæ хæцæнгæрзтæ æмæ тохгæнæн æрмæг: 8 автоматы, 8 пистолеты, 4 револверы, 4 гранатæхсæн, 6 винтовкæ, 9 лыг цуангæнæн топпы, 3 чысылкалиброн винтовкæ, 50 къухын гранатæ, 6 сармадзаны нæмыг, 3 фистæгон ныхмæдзинадон бомбæ, 3 фæздæггæнæны, 7 рæмудзæн цæттæггæнæг, 8 электродетонаторы, 1 капсулдетонаторы, 2,1кг. халæн буаргъæды тротил, 4540 æндæр æмæ æндæр калиброн гилдзы.

Афæ ма ист æрцыд: 9 тыхтон æмæ 0,8345 грамм. героин, 1,5 грамм. бупренофин, 10 тыхтон æмæ 39 таблеты «Субоксин», 45 таблеты «Годеин», 8 тыхтон марихуана, 39 тыхтон æмæ 450 грамм. ног психоактивон буаргъæд а. х. «Био», 250 таблеты «Актифед», 361 таблеты æндæр æмæ æндæр психотропон медикаменты, 8 наркотикон буаргъæдты ивæг, бауадзынæн цæттæ шприц æмæ 1 бын хъылма.

Полицион контролы рæстæджы, арæзт уголовон фыдракæнды фæдыл – 59, æмæ административон уагæй та – 148 гоймаг ахст æрцыд.