Æнæзындгонд Абхазийы æмæ а. х. Хуссар Ирыстоны хсæн æнæвизæйæ цыд кусын райдыдта.

Абхазийы дэ-факто парламент ацы закъоны ратификацийæн 6-æм апрелы йæ фарс рахæцыд.

Æнæвизæйæ цыды ратификацийы проекты бавдисгæйæ Абхазийы президенты минæвар Шамба Димитр дэ-факто парламенты ныхасы рацæугæйæ банысан кодта, цæмæй бадзырды нысан у закъонондзинадæй бæстонгонд æрцæуа æмбæстæгты цыд дэ-факто Абхазийы æмæ а. х. Хуссар Ирыстоны.

Агентад «Апснипресы» информацийæ, бадзырдмæ гæсгæйæ, æнæвизæйæ цыд æмбæстæгтæн 90 боны дæргъы кусдзæн. А. х. арæныл ахизын гæнæн уыдзæни, куыд фæсарæйнаг паспортимæ, афтæ, мидæгон документтимæ дæр.

«Ратификацийы бадзырд ахъаз фæуыдзæн, куыд хæлардзинадон æмахастыты сфидар кæнынæн дыууæ бæстæйы ‘хсæн, афтæма, экномикон æмæ культурон бастдзинæдтæн дæр» - дзырд цæуы агентады ‘рдыгæй рапарахатгонд статьяйы.

Агентад «EADaily» зæгъы, цæмæй 1-æм апрелæй æнæзындгонд Абхазийы закъондæттынадмæ хаст æрцыд ивддзинæдтæ, кæцы æнæвизæйæ цыдæн бар нæ дæтта уыцы бæстæтæм, кæцытæ дэ-факто Абхазийы хæдбардзинад нымадмæ нæ райста.