Гуырдзыстоны æмæ Уæрæсейы арæнхъахъхъæнджыты ‘хсæн цы нейтралон территори ис, уым туркаг товарæй едзаг автомашинæ ссардтой.

Ай фæдыл информаци агентад «Спутник» Цæгат Ирыстоны официалон бæрæггæнæнмæ гæсгæ парахат кæны.

Арæнон куыстуаты æмкусджытæ сбæлвырд кодтой, цæмæй уыцы товар дагъестайнæгтæм кæй хауы.

Агентады бæрæггæнæнмæ гæсгæ, товары хицæутæм, æвæццæгæн, аккаг документтæ нæ уыди, таможнæйы фиддоны фидын сæ нæ фæндыди æмæ ныууагътой машинæ.

Уæрæсейы федеративон куыстуаты арæнон хæйтты минæвæрттæ, товары бæрæггæнгæйæ, сæйрагæй дæр, сылгоймаджы æмæ нæлгоймаджы дзаумæттæ федтой.

Ахæм типы товары ахæссын Уæрæсемæ тобæгонд нæ цæуы.

Федеративон куыстуаты пресс-службæйы ныхасмæ гæсгæ, уыцы цауы, кæд æмæ хицау нæ разындзæн æмæ хъæугæ документацийы нæ бавдисдзæни, бюджеты пайдайæн товар ист æрцæудзæнис.

Товары аргъ 400 мин АИШ доллары у.