Фынгыл Меджврисхевы административон темы мажоритарон минæвар сакребулойы Буджиашвили Лексойы æмæ ноджы иу гоймагы чидæр фæцæф кодта.

Дыууæйы дæр дысон «Гормеды» рынчындонмæ бакодтой.

Рынчындоны директоры, Сванидзе Георгийы ныхасмæ гæсгæйæ, 2 октябры, изæры сахаттыл, дыууæ пациенты райстой.


«Пациенттæй сæ иуæн йæ гуыбын уыд цæф æмæ йын бахъуыд операци скæнын», - загъта

нын рынчындоны къухдариуæгад. Буджиашвили ныртæккæ рынчындоны ис æмæ хос кæны дарддæр.

Дыккаг пациент, кæцыйæн йæ ном бæрæг нæу Шида Картлийы информацион центрæн, медицинон æххуыс райста рынчындоны æмæ йæ стæй афыстой хæдзармæ.



Парти «Бурчъуладзе паддзахады адæмæн» Гуры мажоритары кандидаты Цъкъриалашвили Шота Шида картлийы информацион центрæн зæгъы, цæмæй инциденты сæйраг хайадисæг гамгебелы минæвар Димитр Тодадзе у. Гуры сакребулойы депутат Буджиашвили Лексойæн æмæ йе рдхорды хсæн фынгыл хъæлæба рауад. 

Депутат дæр æмæ гамгебелы минæвар дæр «Гуырдзиаг бæллиццы» уæнгтæ сты.

Тодадзе абон куысты уыдис. Нæ фарстæн, инциденты хайадисæг у æви нæ, тынг смæсты æмæ нæм бартхъирæн кодта тæрхондонмæ бахъаст кæнынæй.

Меджрисхевы нын цалдæрæй загътой, цæмæй æхсты хъæр фехъуыстой, фæлæ йæ нæ зонынц æхсты хъæр кæцæй уыд. Мидхъуыддæгты министрад нырма комментри нæ сарæзта.