Гуры 4-æм æмæ 13-æм сабиты рæвдауæндонæй лигъдæтты ракодтой.
Мерийы пресс-куыстуаты бæрæггæнæнтæм гæсгæ, бинонтæй алкæмæндæр компенсаци бафыстой.

Банысангонд рæвдауæндæтты бæстыхæйтты иу хай 2008 азы хæсты фæстæ лигъдæттæ æрцахстой æмæ дзы цардысты.

«Ссæрибаргонд бынат ныртæккæ цалцæг кæнæм, цас гæнæдзинад нын ратдзæнис уымæ гæсгæйæ скæндзыстæм сабитæн хъомылгæнæн процесстæн хъæугæ стандартон уавæртæ», – зæгъы Гуры мер Джиркъвелишвили Зураб.

Рæвдауæндæтты цæугæ куыстытæ бынæттон бюджетæй 27 500 ларийæ финансгонд цæуынц æмæ 2017 азы 30-æм январы фæуыдзысты, цæй фæстиуæгæн дæр банысангонд рæвдауæн-дæттæ æххæстæй райдайдзысты кусын.