Гуырдзыстоны рухсады æмæ зонады министрады мидæгон аудиты департаменты домынадæй, министр Джеджелава Александр Гуры ахуырадон ресурсцентры хистæр Карели Зурабы 4-æм ноябры йæ бынатæй ссæрибар кодта.

Ай фæдыл Шида Картлийы информацион центр мидæгон аудиты ‘рдыгæй рахæсгæ скъуыддзагы копи æркуырдта.

Уыцы документы, цыран ном æмæ мыггæгтæ хаххгонд сты, фæрсæм, цæмæй Гуры ресурсцентры хистæр рæстæгыл æххæст кодта хæслæвæрдты, фæлæ бынат уыд æндæр æмæ æндæр хуызы, цалдæр фæлхаттон хæлддзинадæн.

«Уый тыххæй æмæ инспектиры рæстæджы рабæрæг ис æндæр æмæ æндæр ахасты æмæ уавæры финансон æмæ рухсады къабазы регулиргæнæг барадон актты халыны фактытæ, цæй тыххæй дæр уыдонæн ис системон-фæлхаттон хуыз æмæ суммæты рационалон хардзы принципты халы, уый та амоны уымæ, æмæ ресурсцентры хистæр нæ ифтонг кæны ресурсцентры архайды закъонмæ гæсгæ æмæ аккаг къухдариуæгадæй», – фыст цæуы скъуыддзаджы .

Уымæ гæсгæйæ, аудиты куыстуат скъуыддзаг рахаста, цæмæй Карели Зураб гæсады бынатæй хъуамæ сæрибаргонд æрцæуа.

Карели Зураб Гуры ресурсцентры хистæрæй 2013 азы 25-æм октябры нысангонд æрцыд. Мидæгон аудит Зурабы архайддзинад растдæр ацы периодæй райдайгæйæ сахуыр кодта. Сахуыр кæныны бындур конкретон курдиатмæ гæсгæ уыд. Курдиат чи балæвæрдта, уый Шида Картлийы информацион центрæн нæу зындгонд.

Скъуыддзаг 33 фарсы у æмæ дзы фыст ис, куыд мыздты, премиты, тендерты фарстыты фæдыл, афтæ ма ноджы, ресурсцентры хистæры рдыгæй æндæр æмæ æндæр фарстæты тыххæй æрбацæугæ хъæстытыл реагир кæныны.

Никозы скъолæйы хабар

Гуры муниципалитеты гамгеоба 2014 азы 15-æм январы ресурсцентрмæ балæвæрдта курдиат, кæцымæ гæсгæйæ, Никозы астæуккаг скъолайы, цыран, бынат ис æндæр æмæ æндæр хуыз хæлдтытæн, се хсæн, ветераны æвдисæндары мæнг кæныны фактæн æмæ скъолæйы фактивон ахуырдзауты уæвынадæн.

Аудиты скъуыддзагмæ гæсгæйæ, ресурсцентры хистæр банысангонд факты фæдыл, ницы среагироват кодта, фæлæ курдиат бадæттæгæн æрмæст цалдæр ныхасæй дзуапп ратта. Гуры уæды гамгебели Къоберидзе Пъапъуна уæд хъуамæ курдиат бадæдтаит барадхъахъхъæнæг органтæм.

Ресурсцентры уагæвæрдмæ гæсгæйæ, Карели Зураб хæсджын уыд фарсты хорз сахуыр кодтаид æмæ, æрмæстдæр, уый фæстæ фехъусын кодтаид курдиат бадæттæгæн. Рухсады министрады специалисттæ фарсты сахуыр кæныны бæлвырдгæнæг документацийы ресурсцентры не ссардтой.

Бæрæггонд цæуы, уый дæр, цæмæй Никозы ацы скъолæйы æндæр æмæ æндæр нормативон актты халынæй 2015 азы июлы цалдæр ахуырдзауы экстерны формæйæ фæлварæнмæ бауагътой.

Экстерн у гоймаг, кæцы хæдбарæй сахуыр кодта ахуыргæнæн программæты, цæй фæрцы дæр уымæн лæвæрд цæуы гæнæндзинад æхсæны æмæ паддзахадон аттестаци паддзахадон иумæйаг рухсадон ахуыргæнæндоны рацæуа.

Ацы факты фæдыл, аудиты куыстуат сбæрæг кодта, цæмæй регистрацигæнгæйæ документтæн семæ нæй ахуырдзауты закъонон минæвары документтæ. Афтæ ма, хæццæ-мæццæ сты регистрацийы нымæцтæ дæр, иу курдиат та дзы æнæкъухфыстæй у, нæй дзы фыст ахуырдзауты сæйраг бæрæггæнæнтæ.

Ресурсцентры хистæр, æмбарынгæнæны фыссы, зæгъгæ, дам, аирвæзти техникон рæдыдтытæ регистрацийы рæстæджы. Бардзырдты нымæцтæ не здæхынц электронон документзилдухы системæйæ æмæ а. д.

Премитæ, мыздтæ

2014 азы августы мæйы куыстуаты хистæр улæфынмæ 14 бонмæ ацыдис, йæ хæстæ йын æххæст кодта хистæр специалист, фæлæ, мызд æнæхъæнæй куыстуаты хистæр иста. Специалист, кæцы йæхи куыстимæ иумæ æххæст кодта хистæры куыст дæр уæлæмхас мызд нæ райста.

Аудиты куыстуатимæ ныхасгæнгæйæ Карели Зураб зæгъы, цæмæй улæфыны (отпуск) рæстæджы, уый куыстмæ цыдис иу-дыууæ сахаты бæрц, уымæ гæсгæйæ, æххæстæй мызд уый тыххæй райста. Фæлæ, ресурсцентры æмкусджытæ не сбæлвырд кодтой документтæм гæсгæ, цæй бындурыл лæвæрд æрцыд мыздты ахæм æнæраст бæрцæй.
Аудиты хатдзæджы фыстæуы, цæмæй Гуры ресурсцентры нæй хыгъдарæзты журнал, кæцымæ гæсгæйæ, æмкусджыты сæххæстгонд куыстмæ гæсгæ хъуамæ мызд лæвæрд æрцæуа.

2015 азы апрелы мæйы премитæ лæвæрд æрцыд дыууæ адæймагыл, кæцытæ æнæштатæй куыстой. Уый фæдыл министрæй бардзинад лæвæрд нæ уыдис. Фæлæ бæрæг периоды дæргъы куыстой æнæбадзырдæй æмæ мызд дæр райстой.

Инвентаризаци

Аудиты департаменты æмкусджыты ныхасмæ гæсгæйæ, 2014-2015 азты хæлд у инвентаризацийы системæ, инвентаризацион сфыстытæ дзуаппдæттæг гоймаджы рдыгæй не сты къухфыст.

Сфысты фæуыны фæстæ материалонæй дзуаппдæттæг гоймагæй къухфыст нæй ист уый фæдыл, цæмæй инвентаризаци уый цур уагъд æрцыд æмæ йæм претензи нæй.

Документты сæйраг активтæ æххæстæй кæронмæ фыст не сты; нæ разындис документ уый тыххæй дæр, цæмæй 2015 азы 17-æм августы сфысгæ печат ресурсцентры балансыл нымад цыд.

Æлхæдтытæ

Аудиты скъуыддзагмæ гæсгæйæ, 2014 азæй райдайгæйæ ресурсцентры тендерты ауадзыны гъдæуттæ хæлд сты.

Сæрмагондæй, уагъд æрцыд ахæм æлхæдтытæ, кæцытæ развæлгъау плангонд нæ уыдысты. Сплангонд æлхæдтытæм та цы хауы. Ам дæр сæйрагдæр хайы хардзгонд суммæтæ не сты æмхуызон сплангондимæ.

Зæгъæм, кабелон телеуынынадимæ æмæ ма афтæ компани «Дельта плюсимæ» оформитгонд ис бадзырдтæ, кæцыты æлхæд развæлгъау нæ уыд сплангонд. Компани «Ахал натебаимæ» уымæй фылдæр суммæ ис хардзгонд, цас уыдис сплангонд æмæ а. д.

2016 азы 14-æм январы ресурсцентры æмæ компани «Элит электроникæйы» хсæн мобилон телефоны, хъусæнты æмæ флешкæты балхæныны нысанæй оформитгонд æрцыд бадзырд, кæцымæ гæсгæйæ, бадзырды амындгонд дыууæ коды лæггæдтæ æлхæдтыты агентады афæдзон планы æркастгонд нæ уыдис.

«Амæ гæсгæйæ, радон цауты, ресурсцентры æлхæдтыты афæдзон планы нæй фаг финансон ресурсы хицæн лæггæдты балхæнынæн, банысангонд цау амоны уыцы уавæрыл цæмæй уый арæзт æрцыд конкретон æлхæды æнæмæнгхъæугæдзинады æмæ йæ æнæхъæнæй нæ уыд æркастгонд», - æмбарын кæнын аудит.

«Алкæцы банысангондмæ гæсгæйæ, Карели Зурабы рдыгæй бынат ис «хицауады куысты тыххæй» Гуырдзыстоны закъоны 78-æм статийы фыццаг пункты «а» дæлпунктмæ гæсгæ нормæйæ ахызты, кæцы æвдыст æрцыд йæ куыстуатон хæслæвæрды аххосаг æнæсæххæстгæнгæ æмæ æнæрастæй сæххæст кæныны», - фыссы аудит.

Нывыл: Гуры ресурсцентры хистæр Карели Зураб йе ‘мкусджытимæ иумæ