Пъантъианы хъæуы ныртæккæ цæры 40 хæдзары онг.

Комунистты рæстæджы хæдзæртты бæрц ам 80-мæ хæццæ кодта.

Гуырдзиаг-ирон конфликты райдыды фыццаг азæй цалдæр хæдзары бинонтæ цæрынмæ алыгъдысты Цæгат Ирмæ.

70 аздзыд Чарашвили Софром афтæ зæгъы, цæмæй йæ бинонтæ Пъантъианы цæрæнуаты, æндæртимæ иумæ æрцардысты æмæ куыстой колхозы комунистты периоды.

«Пъантъиан дæр æй уæдæй фæстæмæ схуыдтой. Æз чысыл уыдтæн, ам куы æрцардыстæм. Дæллаг Чъалайы хæдзарадимæ нæ сиу кодтой æмæ дзы стыр колхоз сырæзтис», - мысы Чарашвили Софром.

Йæ ныхасмæ гæсгæ, йæ баба æмæ дада Схвилы мæсыгмæ æввахс цæгатырдыгæй хæххон хъæу Орхевы цардысты, Ацы хъæу ныртæккæ дæр ис.
Пъантъианмæ æввахс цæгатырдыгæй ис Монастъеры хъæу, цыран пъантъиайнаг Биганишвили Анойæн æввахс хиуæттæ ис. Монастъеры хъæу дæр, ныртæккæ, сындз-джын телтæй у æмбонд.

«Кæрæдзимæ хæсты агъоммæ цыдыстæм. Транспорт дæр хорз цыдис. Кæд нæ иу исты хъуыдис, цыдыстæм уырдæм. Уыдон дæр иу ардæм æрцыдысты. Æз иу хъыбылтæ уырдыгæй кодтон», - зæгъы Биганишвили Ано.

Бынæттон цæрджытæн сындзджын телæй æмбонды иннæ фарс баззайгæ хиуæттимæ æмахастытæ, æрмæстдæр, мобилон телефоны фæрцы ис. Æвзæнгты фылдæр хай уыдоны фенын Цæгат Иры дарддæр кæнынц.