Гуры муниципалитеты гамгеобайы организацийæ æмæ Францы минæварады æххуысæй ауадзгæ конкурсы «Нынныв мын кæн сабырад» уæлахиздзаутæ 7 номинацийы рабæрæг сты.

Уæлахиздзаутæн гамгебели Ониашвили Давит æмæ культурæйы куыстуаты хистæр Азаладзе Арсен лæвæрттæ раттой.

Гуры ахуыргæнæн университеты ауагъд конкурсы муниципалитеты хъæуты цæрæг 20 сабийы райстой хайад.

Чысыл нывгæнджытимæ йæхæдæг базонгæ ис æмæ конкурсы цыдмæ дæр йæ хъус дардта Францы минæвар Гуырдзыстоны Паскал Мение. Сабитæн ныв кæныны мастер-класс Францы архайæг зынгæ нывгæнæг Мосиашвили Леуан æмæ Топчишвили Къаха ауагътой.

Конкурсы хайадисæг сабитæ хайад райсдзысты æхсæнадæмон сабиты нывгæнæн конкурсы «Нынныв мын кæн сабырад», кæцыйы æхсæнадæмон организаци «Члуб де чханце» ауадздзæнис.

«Ныр æртæ азы у, ацы конкурсы «Нынныв мын кæн сабырад» куы уадзæм, Гуырдзыстон дыккаг хатт исы хайад. Æхсызгон мын, æмæ фидæн азы конкурсы тыххæй цæттæ кæнын райдыдтам Гурæй, ам тынг курдиатджын сабитæ цæрынц, тынг хорз нывтæ сын ис. Сабырады темæмæ та цы хауы, уымæй у иттæг нысаниуæгджын, куыд Гуырдзыстоны, афтæ дунейы дæр. Арæх вæййы афтæ, цæмæй сабитæ нынныв кæнынц сабырады, фæлæ сæ ныййарджытæ тох кæнынц хæсты, хъыгагæн ис ахæм паддзахæдтæ дæр. Гуры цæрджытæн сабырад нысаниуæгджын у, уымæн æмæ хæст бавзæрстад», - зæгъы æхсæнадæмон организаци «Члуб де чханце»-йы президент Татьяна Балдук.

Гуры муниципалитеты цæрæг чысыл нывгæнджытæ Францы минæварады æххуысæй, æндæр æмæ æндæр æхсæнадæмон æмвæзады равдыстыты райсдзысты хайад.

«Стыр бузныг зæгъын мæ фæнды Францы минæварадæн ацы æххуысы тыххæй. Нæ сабитæн дунеон æмвæзады конкурсы хайад райсын тынг ахсджиаг у æмæ ай уыдонæн стыр стимулы раттæг уыдзæн. Нæ муниципалитеты иттæг бирæ курдиатджын сабитæ цæры æмæ мах уыдонæн æрвыл хатт дæр баххуыс кæндзыстæм, цæмæй сомбоны фæндаг ссарой», - зæгъы Гуры муниципалитеты гамгебели Ониашвили Давит.