Францы минæвар Гуры «дипломатты залы» уæнг фæсивæдимæ фембæлдис.

Ай фæдыл Шида Картлийы информацион центрæн муниципалитеты гамгеобайы пресс-куыст¬уат¬æй фехъусын кодтой.

Пресс-куыстуаты минæвары бæрæггæнæнмæ гæсгæйæ, дипломатты зал проект «Фæды» ба-з欬йыл у арæзт.

Растдæр, ацы проекты фæлгæтты хайадисæг æвзонг фæсивæдимæ базонгæ ис Францы минæвар Пъаскъал Миунем.

Фембæлдыл уыдысты минæвары бинойнаг, æмæ ма, минæварады полицæйы атташе Бруно Балдукъи, уый дæр йæ бинойнагимæ иумæ.

Пъаскъал Миунем фембæлдыл деталонæй æрныхас кодта дипломатон æмахастытыл, Францы æмæ Гуырдзыстоны æнгом бастдзинæдтыл æмæ уым уæвæг сабитæн ратта конкретон уынаффæтæ, куыд хъуамæ суой дипломаттæ.

Францы минæвар æмæ атташе æвзонг фæсивæдæн сæрмагонд фæлтæрддзинæдтыл радзырдтой æмæ «Дипломатты залы» уæнгты фарстытæн дзуапп радтой.

Фембæлды фæстæ, Гуры муниципалитеты гамгебели Ониашвили Давит Пъаскъал Миунемæн æмгуысткæнынады фæдыл бузныг загъта æмæ йын цытгæнæн сигел радта. Сабитæ минæваримæ фидæны плæнттыл дæр æрныхас кодтой æмæ иумæ сæ нывтæ дæр систой.

«Дипломатты зал» Гуры муниципалитеты гамгеобайы фарсхæцынæй ныр цалдæр мæйы функционир кæны æмæ дзы хайадисджытæ сты муниципалитеты хъæуты цæрæг дипломатон æмахастытæм цымыдисгæнæг сабитæ.

Æвзонг фæсивæдæн активонæй уагъд цæуы тренинг-семинартæ æмæ сын ис æнгом æмгуыс-тад дипломатон корпусимæ.