Шида Картлийы губернаторы администрацийы бæрæггæнæнмæ гæсгæйæ, Дваны хъæуы цæр¬джытæ уынгты рухсытæ саразын æрдомдтой.

Ай тыххæй Шида Картлийы информацион центрæн губернаторы пресс-куыстуатæй фехъу-сын кодтой.

Пресс-куыстуаты минæвары бæрæггæнæнмæ гæсгæ, дихгæнæг хаххмæ ввахс хъæумæ Шида Картлийы регионы губернаторы хæстæ æххæстгæнæг Окромелидзе Йосеб йæ хæдивæгимæ, Шавшишвили Амиранимæ æмæ Карелы муниципалитеты гамгебелимæ, Гулиашвили Зазаимæ иумæ ныццыд.

«Окромелидзе информаци райста цы проекттæ æххæстгонд æрцыд уыдоны тыххæй», - фыссы пресс-куыстуат.

Губернатор Дваны хъæуы чурчхелæты амалиуæг дæр бабæрæг кодта.

«Хъæугæйыл нымайын, цæмæй регионы цæрджытимæ мæхæдæг фембæлон æмæ сын сæхимæ байхъусон, сæ нысаниуæгджын фарстыты фæдыл. Сæхи хайад исынæй æмæ æмхайадистæй рæстæгыл æрцæудзæнис сæ хъæугæдзинæдты рацаразын æмæ сæ алыг кæнынæн фæндæгтæ ссарын. Хъуыды кæнын иумæйагон куыст бирæхатт эфективондæр æмæ фæстиуæгон дæр уыдзæн». - Банысан кодта губернатор.

Губернаторы администрацийы бæрæггæнæнмæ гæсгæйæ, 2013 азæй абоны онг хъæуы æндæр æмæ æндæр инфраструктурон проекты æххæстгонд æрцыдис, уыдон æхсæн, сыгъдæггонд æрцыд донцæуæн къанаутæ, Пронейы цæугæдоныл реабилитаци уагъд æрцыд хидæн, реабилитацигонд æрцыд ритуалты хæдзар, сырæзтис мини стадион. Фембæлдыл ныхас цыд хъæуы уæвæг уавæрыл æмæ цæрджыты зындзинæдтыл. Иу фарст дзы хицæнгонд æрцыд – уынгты рухсытæ саразын.