Никозы, тагъд медицинон æххуысы бригадæмæ фæсидгæйæ амбулаторийы дохтыртæ пациенттæм, арæх, сæрмагонд хæдтулгæтыл ацæуынц.

Ай фæдыл Шида Картлийы информацион центрæн амбулаторийы къухдариуæггæнæг Дзамукъашвили Никъолоз радзырдта.

Уый ныхасмæ гæсгæйæ, цæрджыты æххуысмæ сидын медицинон центрмæ дзæвгар бирæ ис.

Цæвиттонæн, ивгъуыд 2016 азы, регистратурæйы 6 000-æй фылдæр цау фиксиргонд æрцыд.

Никозы амбулаторийы дохтыртæ, сæйрагæйдæр, æртæ хъæу – Никозы, Уæллаг Никозы æмæ Хвиты цæрджытæн лæггад кæнынц.

Тагъд медицинон æххуысы хæдтулгæмæ та цы хауы, уымæй, ацы хъæутæн Тъхъвиауы хайады спецхæдтулгæтæ лæггад кæнынц.

«Уымæ гæсгæ, æмæ дзæвгар кæй ис цæрджыты фæсидтытæ, дохтырты бахъæуы сæхи хæдтулгæтыл ацæуын пациенттæм æмæ стæй та рынчындонмæ ракæнын», - зæгъы амбулаторийы разамонæг Дзамукъашвили Никъолоз.