28-29 январы Парижы æхсæнадæмон турнирыл Гуырдзыстоны уæгъдибар хъæбысхæсты командæ йæ рацыд 2 сыгъзæрин майданы райстæй сæххæст кодта.

Ай фæдыл информаци хъæбысхæсты дунеон баиугонды официалон портал парахат кæны.

Нулы хъæуæй лигъдон Петриашвили Гено 125 кг уæзы категорийы сыгъзæрин майдан райста. Сыгъзæрин майдан ма 61 кг уæзы категорийы ноджы иу гуырдзиаг, Партъенадзе Шота райста.

Гуырдзыстоны æмбырдгондæн Бединеишвили Эмзар æмæ Схирели Нугзар къухдариуæг кодтой.

Æхсæнадæмон ерысыл, кæцы хъæбысхæсты дунеон биугонды, UWW-йы эгидæй уагъд æрцыд, 15 бæстæйы æмбырдгонд райста хайад.

Европæйы чемпион æмæ Рио Де Жанеры олимпаг хъæзтыты призер Петриашвили Гено финалы венгриаг Даниел Лигетъийы (8:2) рамбылдта, уæдмæ та америкæгты Боби Телефорды æмæ Зак Рейы (11:0 æмæ 10:0) басаста.

Партъенадзе æдæппæт 4 фембæлд ауагъта, францаг Куентин Стикеры 8:6, швециаг Ранг Вокы 4:1 æмæ венгриаг Иосеф Молнары 10:0 рамбылдта, финалы та америкаг Джейсон Нессы 9:2 басаста.

Уыдонæй дарддæр ма францаг гауызыл Мурцхавадзе Леуан (57), Къенчъадзе Автандил (74) æмæ Тълашадзе Давит (74) рахызтысты фæлææнæ майданæй фæци сæ аспарездзинад.