2017 азы 3 февралы дэ-факто Хуссар Ирыстоны тæрхондон Гуырдзыстоны æмбæстагæн, Гиунашвили Георгийæн 20 азмæ ахæстоны фæбадыны скъуыддзаг рахаста.

Факты фæдыл, Мидхъуыддæгты министрады пресс-куыстуат официалон курдиат парахат кæны.

«А.х. тæрхондоны «скъуыддзаггонд», афтæ ма куыд Гиунашвилийы рдæм бавдыстгонд «зылынгæнæндзинæдтæ», сты æрымысгæ æмæ цухгонд алы легитимон бындурæй. Паддзахадон æдасдзинады куыстуат сараздзæн алцыппæт Гиунашвилийы æнæзакъонон ахæстæй ссæрибар кæнынæн», - нысангонд цæуы министрады курдиаты.

Пресс-куыстуаты минæвары бæрæггæнæнмæ гæсгæ, æдасдзинады куыстуат активонæй дарддæр кæны нысангонд фарстæйы æвзарыны инцидентты превенцийы æмæ уыдоныл реагир кæныны механизмы (IPWM) æмæ Женевæйы æхсæнадæмон дискусситы (GID) фембæлдты фæлгæтты.

Паддзахадон æдасдзинады куыстуат Гиунашвилийы хъуыддаг деталонæй бадæтта алкæцы паддзахадон уагдонмæ, цæмæй ацы хъуыддаджы тыххæй æхсæнадæмон æмбаладæн зындгонд æрцæуа.

Гиунашвили Георги Цхинвалы дэ-факто хицауады æдасдзинады куыстуаты æмкусджытæ 2016 азы июлы мæйы æрцахстой.

Уый окупацигонд Дисеуы хъæуккаг у.

Цхинвалы «къагебейы» бæрæггæнæнтæм гæсгæ, Гиунашвили 2004 азæй æндæр æмæ æндæр диверсион актты иста хайад æмæ Гуырдзыстоны спецслужбæйы хæслæвæрдтæ æххæст кодта.

Ацы информацийы дэ-факто хицауады æдасдзинады куыстуаты рдыгæй контролгонд медиæ- фæрæзтæ парахат кæнынц.

Сæрмагондæй, агентад «Спутникы» бæрæггæнæнмæ гæсгæ, Гиунашвили 2007 азы Хелцуайы хъæуы цур спырх кодта ирон æфсады тыхтæм æввахс æмæ дз иу ирон æфсæддон фæмард, иу та дзы цæф фæцис. Ацы агентады бæрæггæнæнмæ гæсгæйæ ма, уый «Дисеуы хъахъхъæныны» къорды уæнг уыд.

Цавæр бæлвырдгæнæгты бындурыл райста скъуыддзаг Цхинвалы тæрхондон, зындгонд нæу.

Дисеуы хъæу ныртæккæ оккупацигонд территорийыл ис æмæ Гуры муниципалитеты Мереты хъæуимæ арæн кæны.

Цы уавæры æрцыд Гиунашвилийы æрцахст, зындгонд нæу.