Гуры муниципалитеты гамгеобайы туризмы центр, ацы аз, Мæскуыйы æмæ Пъекъины æхсæнадæмон туристон базарадыл йæхи равдисынмæ цæттæ кæны.

Ай фæдыл информаци центрæн администраци фехъусын кодта.

Администрацийы æхсæнадимæ æмахастыты куыстуаты минæвары бæрæггæнæнмæ гæсгæ, центры æмкусджытæ æмбæлон курдиæттæ бадæттой.

Ай фæдыл фембæлд, цалдæр боны размæ, 7 февралы, ивгъуыд азы куысты хатдзæгты тыххæй, уагъд æрцыд.

«Фембæлдыл ныхас цыд ахæм хъуыдыйæдтыл, цы формæйæ хъуамæ йæхи равдиса туризмы центр ацы азы, Пъекъины æмæ Мæскуыйы ауадзгæ æхсæнадæмон туристон базарадыл», - фыст ис курдиаты.

Куыд рабæрæг уымæ гæсгæ, туризмы центры æмкусджытæ ахæм æнгæс туристон базарадыл 2016 азы дæр хайад райстой.

«Туризмы центры ауадзгæ презентацийыл, центры специалист мидæгон туризмы фарстæты, Къутхашвили Лела æмæ ма ацы центры информацион офисы æмæ фæндагамонджыты скъолæйы менеджер Иардалашвили Кетеван, бавдыстой æрмæджытæ ивгъуыд азы, Пъекъины æмæ Мæскуыйы ауадзгæ æхсæнадæмон туристон базарадты тыххæй», - зæгъынц центры.

Фæлæ, цавæр типы æрмæджытыл цыд ныхас, уый, Шида Картлийы информацион центрæн, нырма, æнæзонгæ у.

Знон та, Гуры муниципалитеты гамгебели Ониашвили Давит официалон фыстæг центры къухдариуæггæнæг Магълакъелидзе Робертмæ рарвыста. Фыстæгмæ гæсгæйæ, гамгебели Магълакъелидзе Робертæн арфæ кæны йæ продуктивон куысты тыххæй.

Магълакъелидзе Роберт бирæ азты дæргъы районы культурæйы куыстуаты разамонæг уыд, уый фæстæ, Стъалины музейы директор, фæстагмæ та – цыртдзæвæнты хъахъхъæнынады министрады уагдæттæй сæ иуы кураторæй у.