Сакъоринтелойы хъæуы дыууæ дихгæнæг хаххы ис – иу оккупацигонд территориимæ, иннæ – Ахалшены хъæуимæ.

Иу рæстæджы хъæугæрон арæзт ногхъæу, ныртæккæ, хицæн территорийыл нымад цæуы æмæ йæ хонынц Ахалшены хъæу.

Сакъоринтелойы æмæ Ахалшены кæрæдзийæ Абревулайы къанау хицæн кæны.

Донæн иу фарсæрдыгæй хохбæстæйы статус ис лæвæрд, рахизæрдыгæй та, быдыры. Доны иу фарсæрдыгæй «хохы» цæры иу æфсымæр, иннæ фарсæрдыгæй «быдыры» та, дыккаг æфсымæр.

Уыдонæн сæ цæрæн хæдзæртты хсæн дæрддзæг та у, 5-10 метры.

Ацы хабар Ахалшены цæрджыты æнæразыдзинад расайдта, уымæн æмæ, хохбæстæйы статусы лæвæрды цауы, уым цæрæгæн пенси фæфылдæр уыдаид.

Дыууæ хъæуы та, сæйрагæйдæр, пенсиисджытæ цæрынц. Хъæбулы хъæбултæ сæм, кæд, улæфтыты æмæ æнцойбонты æрцæуынц уый еддæмæ.

Цалынмæ статусы фарст, кæронмæ не сбæрæг ис, 2016 азы парламентон æвзæрстыты размæ, хъæумæ æрцыд мажоритарон депутаты кандидат Мезурнишвили Иракъли.

Кониашвили Мзиа уымæ ай фæдыл фарста ратта æмæ сын баххуыс кæнын ракуырдта.

Мезурнишвили Иракъли йын дзуапп ратта, цæмæй уыцы периоды ницы ныфс ратдзæн, уымæн æмæ йын гæртамыл нымад æрцæудзæн.

Къвинтърадзе Раинди йæ фос, растдæр, ацы дихгæнæг хаххы цур фæхизы. Уый ацы хъæуы 20 азы размæ æрцард йæ бинойнагимæ, йæ каис куы фæзиан уæд.

Уымæн йæ зæрдыл хорз лæууы Ахалшены хъæу куыд сырæзт.



«Колхозы рæстæджы дæр æбæрæггонд уыд ацы хъæуы статус. Нырма иу хъæуы колхозмæ бахастой, стæй иннæйы», - зæгъы Къвинтърадзе Раинди. Коммунистты рæстæджы Ахалшена Квемо Чъаламæ бахастой, уымæн æмæ стыр æмæ тыхджын хъæу кæй уыди.

Шида Картлийы 118 хъæуæн хохбæстæйы статус ис. Адонæй, 24 хъæу Къаспы районмæ хауы. Хъæуты номхыгъдмæ дыууæ хатты æркастысты. Нæдæр дыккаг хатт ифтонггонд æрцыд ахалшенæгты домынад.

Хохбæстæйы статусы номхыгъдмæ цæрæнуаты бахастæй 10 азы дæргъы æркастгонд нал æрцæудзæни.

Гуырдзыстоны регионалон рæзынады æмæ инфраструктурæйы министрады рдыгæй æрцæттæгонд закъонмæ гæсгæ, хохбæстæйыл нымад цæуы цæрæнуат, кæцыдæриддæр денджызы æмвæзæй 1500 метры бæрзæндыл кæнæ уымæй уæлдæр уæвы.

Гуырдзыстоны хицауадæн барлæвæрд уыд, æндæр æмæ æндæр критеритæм гæсгæйæ, хохбæстæйы статус раттаид цæрæнуатæн, кæцы денджызы æмвæзæй иууыл къаддæр 800 метры бæрзæндыл уæвы.

Официалон бæрæггæнæнтæм гæсгæ, Ахалшена денджызы æмвæзæй 800 метры бæрзæндыл уæвы. Критеритæм гæсгæ, йæ бæрзæнд 801 метры хъуамæ уыдаид. 2014 азы сфыстмæ гæсгæйæ, хъæуы 127 адæймаджы цæры.



Сакъоринтело-Ахалшены, уынд ист у хуссарæрдыгæй.