Цыппар азы фæстæ зæхх-хуымтæ бакусынæн æмæ байтауынæн ваучерон программæ фес-къуыд.

Амæ гæсгæйæ, хъæуты цæрæг адæм 2017 азы уалдзæгæй, зæххыты бакусын сæрмагонд фæрæзтæй архайынц.

Иу гектары фæзуаты бакусынæн, ныртæккæ, 90 ларийæ 130 ларийы онг хæццæ кæны.

Ацы суммæйы бафидын, уæлдай зындæр, дихгæнæг хаххмæ ввахс хъæуты бинонтæн у.

Квемо Чъалайы административон иуæджы зæххыты иу хай фæззæджы, паддзахады хардзæй, куыстгонд æрцыдысты

Гамгебелы бæрнон кусæг Месропашвили Стъепане зæгъы, цæмæй уыцы периоды, зæххыты бакусын паддзахады хардзыл, алкæмæн дæр йæ бон уыд.

«Ваучертæ ивгъуыд азы алкæмæн дæр уыд, кæцыйы архайды æмгъуыд 2016 азы кæронмæ уыдис. Уымæ гæсгæйæ, цæрджыты фылдæр зæххы фадгуытæ фæззæджы бакуыстой. Æнæкуыстæй ма баззад хæрзчысыл хай, фæлæ уыдонæн дæр сæ бон уыд æмæ бакуыстаиккой сæ зæххытæ» - зæгъы уый.

Шида Картлийы информацион центрырдыгæй ма, ацы рæстæджы, уыцы темы, фиксиргонд æрцыд уалдзыгон куыстыты рæстæг, афæ-ма ноджы, уыцы зæххы фадгуытæ, кæцытæ куыстгонд сты, æмæ ма уыдон дæр, кæцытæ не сты куыст.

Бынæттон цæрæг адæм дзурынц, цæмæй уыдонæн программæйы фæуды тыххæй, развæлгъау зындгонд ницы уыд.