Гуырдзыстоны президент Маргвелашвили Георги абон Къаспы оккупацийы музейы президенты резервон фондæй финансгонд проекты – «Æнæ оккупацийæ» презентацийыл уыдис.

Проекты хæларады хид «Картлос» æххæст кæны, кæцыйы нысан у Гуры, Къаспы æмæ Тбилисы æрыгæттæн зонынад сбæрзонд кæнын æмæ сын æнæформалон ахуырады æнцонвадат скæнын, Уæрæсе-Гуырдзыстоны æмахастыты, Уæрæсейы рдыгæй Гуырдзыстоны оккупацийы æмæ сусæг анексийы фарстæтыл, афтæ ма, Уæрæсейы Федерацийæ Гуырдзыстоны æмæ регионы рдæм арæзт тæссагдзинæдтыл æмæ сæ сæрæй аиуварс кæныны фæндæгтыл.

Гуырдзыстоны президент проекты презентацийыл музейы æрæмбырд æхсæнады раз ныхасы рацыд æмæ Гуырдзыстоны оккупацийы фæсиуджытыл æрныхас кодта.

«Мах стæм Къаспы оккупацийы музейы, ныр 23 азы ис ацы бынат скъолæ куы сси, цыран хъомыл кæны ног фæлтæр, фæлæ уыимæ иумæ ивгъуыд дæр рох нæ цæуы æмæ ам арæзт æрцыд музей, уый тыххæй, цæмæй алчидæр зона райгуырæн бæстæ хъахъхъæнинаг кæй у, цæмæй хæдбардзинад хъахъхъæдгонд æрцæуа æмæ цæмæй кæцыфæнды къахдзæф фæстæмæ нысан кæны сæдæгай не мбæстæгты бæллæхдзинады æмæ талынгдзинады ныххауын», - банысан кодта Гуырдзыстоны президент.

Банысангонд проекты фæлгæтты, Къаспы оккупацийы музейы, фондз мæйы дæргъы дискусситæ æмæ информацион фембæлдтытæ уагъд æрцæудзæн Гуырдзыстоны раз лæууæг æдасдзинады проблемæтыл, Уæрæсейы æмæ Гуырдзыстоны хсæн бадзырдтыл, Гуырдзыстоны æдасдзинады хъахъхъæныны гарантитыл, оккупацийы фæлтæрддзинадыл, æмбæстагон активæтыл, Гуырдзыстон-Евроцæдисы æмахастытыл.

Презентацийыл уыдысты Гуырдзыстоны президенты администрацийы хистæр Абашишвили Георги, национ æдасдзинады Советы секретар Раквиашвили Давит, æддагон æмахастыты секретар Пхаладзе Тенгиз.