Паддзахадон æдасдзинады куыстуаты хистæр Гомелаури Вахтанг Гуырдзыстоны визитæй уæвæг Европолы директор Роб Уйенрайтимæ фембæлди.


Ай фæдыл Шида Картлийы информацион центрæн мидхъуыддæгты министрады пресс-куыстуатæй фехъусын кодтой.

Пресс-куыстуаты минæвары бæрæггæнæнмæ гæсгæ, Гомелаури Вахтанг Роб Уйенрайтæн паддзахдон æдасдзинады куыстуаты рдыгæй терроризмы ныхмæ тох кæнынæн райсгæ фæстиуджытæ базонгæ кодта.

Визиты фæлгæтты, «Гуырдзыстоны æмæ Европæйы полицæйы куыстуæтты хсæн оперативон æмæ стратегион æмгуыстады фæдыл» бадзырдыл æрфыста къух.

Ууыл, Гуырдзыстоны рдыгæй, къух мидхъуыддæгты министр Мгъебришвили Георги æрфыста.

«Бадзырд йæ тыхы бацыды фæстæ Гуырдзыстон суыдзæн Европолы оперативон партнер бæстæ, кæцы Гуырдзыстоны барадхъахъхъæнæг органтæн ратдзæн гæнæндзинад, æмгуыст кæной Европолимæ куыд æперативон, афтæ æнæоперативон æрдæмадæй, æдасон къаналы æххуысæй баивой оперативон информацийы æмæ персоналон бæрæггæнæнты, хайад райсой Европолы фæлгæтты организацигонд иумæйагон фæдагурæн къордты, Европолæй райсой анализыл бындурæвæрд ахсджиаг информаци», - нысан цæуы мидхъуыддæгты министрады курдиаты.

Пресс-куыстуаты бæрæггæнæнмæ гæсгæ, фембæлдыл ныхас цыд Европолы æмæ Гуырдзыстоны паддзахадон æдасдзинады куыстуаты хсæн, терроризмы ныхмæ тох кæныны дыууæрдыгон æмгуыстады фарстæтыл.

Европолы архайддзинад арæзт у ахæм фыдракæндты ныхмæ тох кæнынæн, кæцытæ ахадындзинад æвдисынц дыууæ кæнæ фылдæр Евроцæдисы уæнг паддзахæдтыл кæнæ Европæйы цæдисы иумæйаг цымыдистæн зиангæнæг сты.