1941 азы 21-æм июны уый хъæууон хæдзарадæй Къаспмæ арвыстой.

Æфтауцдоны гæсæй куыста æмæ уæзбарæнты хъуамæ басгæрстаид.

Радиойы Сталины раныхасмæ байхъуыста. Советон фæтæг социалистон бæстæтæм сидтис.

Фашистон Германи нæм æрбабырста æмæ дам алчидæр фронтыл хъуамæ уа.

Задишвили Димитрæн, Къаспы, йемæ уыди йæ кæстæр 14 аздзыд æфсымæр. Уый хæдзармæ уæрдоныл рарвыста, йæхæдæг коммисариаты ‘рдæм арасти.

Æфсæддон коммисариаты уæнгтæ йын йæ ныййарджытимæ фембæлыны фадат раттой. Йæ чысыл æфсымæр ма йæ машинæйыл бадгæйæ Игоеты цур ауыдта.

«Чыссыл зæххы» цур тохы рæстæджы фæцæфи æмæ уацары знæгтæм бахаудта. Куы радзæбæхи, уæд куыддæртæй раирвæзти уацарæй.

Хæсты фæуды фæстæ хъæумæ æрыздæхгæ йын йе ‘фсымæр бауайдзæф кодта: - æрдæг фæндагыл дам мæ куыд нуууагътай.