Ергнеты хъæуы, Члачидзе Лиайы хæдзары ныккæнды, 2008 азы августы хæсты фæстиуджыты æвдисæг дзауматæ æмæ мигæнæнтæ æвæрд æрцæудзæни.

Райдиан этапыл, ацы аз июлы мæйы, территори ссыгъдæггонд æрцæудзæни. Райдайдзысты æрмæджыты æмбырд кæнын, цыран хайад райсдзысты цæрджытæ æмæ регионы кусæг æнæхицауадон организациты минæвæрттæ.

Æрæмбырд дзаумæтты æмæ мигæнæнты нырма, æрдæгарæзт музейы бафснайдзысты, уыдон æхсæн, иу цæрæджы сыгъд автомашинæ дæр. Ацы машинæ 9 азы Члачидзе Лиайы хæдзары кæрты лæууы.

«Ай уыдзæни рухсадон тыгъдад, цыран гуырдзиаг-ирон æмахастытыл, адæмон дипломатийыл æмæ æндæр æнгæс æрдæмады фарстæтыл фембæлд-дискусситæ уагъд æрцæудзæни. Ам æвæрд æрцæудзæни сыгъд æмæ хæсты фæстиуæгæн зианбаййафæг æндæр æмæ æндæр мигæнæнтæ, кæцытæ абоны онг æфснайдæй дарынц куыд дихгæнæг хаххмæ ввахс хъæуты цæрджытæ, афтæ ма уыцы адæймæгтæ, кæцытæн 2008 азы августы цаутимæ цыдæр бастдзинад ис», - зæгъы Члачидзе Лиа.

Члачидзе Лиа æмбарын кæны, цæмæй уый нæ уыдзæни агрессийы музей:

«Ай уыдзæни уыцы тыгъдад, цыран ноджы иухатт банкъардзыстæм сабырдзинады æргъад æмæ уый æнæалтернативондзинады. Хæст не взары адæмыхатты, уый дыууæфарсырдыгæй дæр стыр зиан ракодта цæрджытæн. Ног фæлтæр хъуамæ фена æмæ зона, цавæр фæстиуджытæ æрхæссынц хæстон архæйдтытæ, æмæ уый тыххæй хъуамæ хайад райсой сабырадон процессты, цæмæй ма бауадзой æндыгъддзинады æмæ знагдзинады», - зæгъы Члачидзе Лиа.

2017 азы 8-æм августмæ Члачидзе Лиа, бархионтимæ иумæ, музейы интерьеры саразын план кæны. Хæсты рæстæджы ныппырхгонд тыгъдады ацы периодмæ ис аудио æмæ визуалон æрмæг.