Гуры районы Бершуеты хъæуы цур, дихгæнæг хаххы акомкоммæ, а.х. арæны нысангæнæг банер смонтаж кодтой.

Паддзахадон æдасдзинады куыстуаты куырдиатмæ гæсгæйæ, цалдæр бынæттон цæрæджы хъæууон-хæдзарадон зæххыты хай оккупацийы хаххы фале баззадысты.

«Банысангонд æвдисы а.х. бордеризацийы æнæзакъонон процессы даргъ кæнын, кæцы æрмæст бынæттон цæрджыты фундаментон барты нæ арæн кæны, фæлæ ма комкоммæ пропорционалонæй зиан кæны æдасдзинады алфæмблайы бынатыл», - нысангонд ис паддзахадон æдасдзинады куыстуаты курдиаты.

Ацы фарстмæ, 11-æм июлы, Эргнеты инцидентты превенцийы æмæ сыл реагикæныны къорды фембæлдыл æркæсдзысты.

Гуырдзыстоны президенты администраци нысангонд факты оккупацион хаххы ахæцыныл нымайы.

«Президенты администраци мæстыйæ зæгъы Гуры районы Бершуеты хъæуы цур оккупацион хаххыл æрбахæцыны факты фæдыл æмæ йæ ныфс ис, æхсæнадæмон æмбалад кæй срегироват кæндзæн сырæзгæ уавæрыл».

Ацы курдиат абон президенты æддагон æмахастыты нымæрдар Пхаладзе Тнгиз сарæзта.

«Махæн стыр ахсджиаг у, цæмæй Гуырдзыстоны территорион æнæхъæндзинады къухтъыссыны цахæмфæнды факт фидарæй æфхæрд æрцæуа. Гуырдзыстон спайда кæндзæн ацы уыцы дипломатон амалты, кæцытæ уымæн йæ къухы ис, цæмæй æрурома хилгæ оккупацийы», - загъта Пхаладзе Тнгиз.

Гуырдзыстоны президенты бахæсгæнгæйæ, нысангонд информаци æвæстиатæй лæвæрд æрцæудзæни Гуырдзыстоны партнертæм, æхсæнадæмон организацитæм.