Эргнеты ауагъд фембæлдыл Цхинвалы хицауадырдыгæй Джиоты Мурад фыццаг хатт хайад райста.

Уый Цæстдарæг Миссийы минæварæн Гуырдзыстоны, æмæ Швейцарийы минæваримæ ныхасгæнгæйæ æмбарын кодта, цæмæй æнæмæнгхъæугæ кæй у дихгæнæг хæххыты сног кæнын æмæ ацы хæххытæм Гуырдзыстоны æмбæстæгты æввхс нæ уадзын.

Ай æвдисæг видео телекомпани «Рустави-2» систа.

«Ма кусæт ам хæдзарадон куыстытæ. Æмбарын æй æмæ мах цауы 200 æмæ 300 метры дæр кæй у нысанджын бынæттон цæрджытæн. Зын у, фæлæ цæмæннæ хъуамæ бафæлварæм, бамбарын кæнæм бынæттон цæрджытæн, цæмæй æввахс ма цæуой æмæ ма хизой хаххæй. Фæлæ уый тыххæй та, цæмæй ма æрбахизой, хъæугæ у фиксиргонд æрцæуой ацы хæххытæ. Ай тыххæй стыр бæрндзинад растдæр инцидентты превенцийы æмæ уыдоныл реагиркæныны къордмæ хауы, Женевайы ауыл баныхас кæнын нæ бон не суыдзæн», - загъта Джиоты Мурад.

Паддзахадон æдасдзинады куыстуаты минæвар Кемоклидзе Къахабер журналисттимæ ныхасгæнгæйæ загъта, цæмæй ацы хъуыдыйадимæ Гуырдзыстоны хицауад не сразы уыдзæни, уый тыххæй æмæ официалон Тбилис ницæй тыххæй не сразы уыдзæни ницыхуызон хæххытыл Уæрæсейы оккупацигонд территорийыл.

«Америкæйы хъæлæсы» журналист Далакишвили Нинойы ист фото.