Йончайы хъæуы цур, кæцыйы дэ-факто Хуссар Ирыстон контроль кæны, уым нырма ауæдз уагъд нæй. Карелы муниципалитеты Тамарашены хъæуы цæрджытæ уырдæм æввахс мæнæуы хуымтæ æфснайд фесты.

Ныртæккæ, трактортæй хъæмпы æмбырд кæнынц. Бынæттон цæрджыты курдиатмæ гæсгæ, тæрсгæйæ куыстой. «Дыууæрдæм ракæс-бакæс кодтам, цæмæй нæм мачи æрбахъуызза æмæ нæ мачи æрцахса, зæгъгæ», – зæгъы Паркосадзе Гурам. Уый ныхасмæ гæсгæ, а.х. арæнхъахъхъæнджытæн, Гуырдзыстоны æмбæстæгты æрцахсыны сæрвæлтау, призы хуызæй, улæфт дæттынц.

Тракторист Тедешвили Михеил Церонисы хъæуæй у. Уый сæрагæйдæр, растдæр, дихгæнæг хаххмæ ввахс хуымы быдырты фæкусы. Азты дæргъы уый бирæ æрцахсты факты федта. Зоны, цæмæй нысангонд территорийыл иунæгæй ма хъуамæ куса. Хуыздæр цауы, æнæмæнгæй Гуырдзыстоны полицæйы æмкусджыты радгæсадимæ.

«Абон дæр нæм æввахс уыдысты уыцы арæнхъахъхъæнджытæ. Нæ полицæйы æмкусджытæ куы æрбацыдысты, уæд нæ ныууагътой æмæ ацыдысты. Сæхи иуварс нæ кæнынц, нæдæр 200 метрмæ, нæдæр 300-мæ æмæ нæдæр 400-мæ. Кæд сæ къухы ныххауай нæ дыл бацауæрддзысты, æрцахсдзысты æмæ дæ акæндзысты», - зæгъы Тедешвили Михеил.

Бибылты Анатолийы, кæцыйы 2017 азы апрелы мæйы дэ-факто Хуссар Ирыстоны президентæй сæвзæрстой, фыццаг бонæй расидтис, цæмæй Йончайы хъæуы цур а.х. арæнты æрфидар кæндзæни. Дихгæнæг хаххы æрфидар кæнынæн та, Цхинвалы хицауады разамонæг ног телгæрæнтæ сараздзæни. Бибылты Анатоли загъта, цæмæй ацы куыстытæ уалдзæгæй кæй хъуамæ райдыдтаиккой.

Ныртæккæ, Йонча-Тамарашены арæныл ног демаркацион нысæнттæ нæма æрывæрдтой. Хъæутæ Проны комы цæугæдонмæ ввахс сты. Уæрæсейы æфсæддон тыхты минæвæрттæ демаркацион ауæдз Кънолевы, Авлевы æмæ Церонисы ныридæгæн ауагътой. Ауæдз дэ-факто хицауады дæлбариуæг Земо Оконайы хъæуæй райдайы æмæ Йончайы онг даргъ кæны.