Квривишвили Тинатин, ныр, Якоб Гогебашвилийы номыл сæрмагонд скъолæйы ахуыргæнæгæй кусы. 9 азы размæ, уый Стыр Леуахигомы Куртайы хъæуы астæуккаг скъолæйы директор уыдис. Дæсæм фæззæг у, ныр Куртайы астæуккаг скъолæйы ног ахуыры азы нæ бæрæг кæнынц. Скъолæйы территори ныртæккæ афтид у. Августы хæсты рæстæджы, йæ нырма фæдавтой, стæй йыл зынг бафтыдтой.

«Деталтæ хорз хъуыды кæнын. Гуырдзиаг кафтæй иу райдыдтам æмæ иу бæлуæтты уæлдæфы суадзыныл фæуд кодтам, биологийы ахуыргæнæгæн, мæ уарзондæр Чъулухадзе Меланойæн хъуамæ акафыдаид, ех, цас адджын мысинæгтæ мын баззад, æнæцæссыгæй сæ мæ бон нæу æрымысын. Скъолæйы дæгъæлтæ мын хызыны уыдысты иууылдæр, æз комы никуы уагътон, куыд фæнды æндыгъд уавæрдæр ма уыдаид, сывæллæтты иу ракодтон, фæлæ иу æз мæхæдæг уым баззадтæн комы, 8-æм августы изæры рацыдтæн, телеуынынадæй фехъусын кодтой нæ хæдтæхджытæ дам ратæх-батæх кæнынц, кæртмæ рахызтыстæм æз æмæ мæ сыхæгтæ, æмæ уыцы рæстæджы бомбæ растдæр мæ цæхæрадоны кæроны æрхаудта, хæдзарæн йæ рудзынджы æвгтæ æрызгъæлдысты, цæрдæг багæпп кодтон хæдзармæ, мæхи ныццавтон мæ хызыныл, дис уæм фæкæсдзæни, фæлæ æрмæстдæр къамтæ авæрдтон хызыны æмæ рафардæг дæн комæй, фæлæ мæ зæрдæ абон дæр уым ис», - зæгъы Квривишвили Тинатин.
Уый скъолæйы 1995 азæй куыста. Нырма гуырдзиаг æвзаг æмæ литературæйы ахуыргæнæгæй, фæстæдæр та, директоры хæдивæг сси æддæкъласы æмæ æддæскъолæйы куысты къабазы. Паралеллонæй, Куртайы темы ахуырады профцæдисы сæрдар уыди æмæ хæсты агъоммæ, фæстаг иу афæдзы дæргъы, ахуыргæнæгæй куысты 30 азон стажимæ скъолæйы директор сси.

«Скъола мæнæн уыдис мæ дыккаг хæдзар, уым уыдис мæ царды мидис, мысын мæ комы, ме ‘скъолæйы, ахуыргæнджыты æмæ персоналы, бæстон æвæрдæй дарын скъолæйы дæгъæлтæ, кæдон мæм раздæры Куртайы скъолæйы директор Басишвили Елисо стыр уарзондзинадимæ ратта, уыдон мæнæн сты стыр хæзнайы хуызæн», - зæгъы Квривишвили Тинатин.

2008 азы, æнæхъæн сæрды уый йæ коллегæтимæ иумæ скъолæйы арвыстой. Уагъд цыд цалцæггæнæн куыстытæ, сцæттæ кодтой кълас – кабинетттæ, актон залы, сентябрæй хъуамæ байгом уыдаид продленкæйы къорд, сарæзтой чиныгдон йæхи кæсæн залимæ, ныссыгъдæг æмæ срæсугъд кодтой кæрты, дон дыккаг уæладзыгмæ суагътой, кæрты цъай скъахтой.

Куртайы скъолæйы, фæстаг хатт, 2008 азы 5-æм августы уыд. Æндыгъд уавæрмæ æнæгæсгæйæ, фыццаг сентябрмæ уæддæр цæттæ кодта, ног ахуыры азы грандиозонæй байгом кæнын.

Квривишвили Тинатин нын загъта, цæмæй хæсты фæстæ уый план кодта Куртайы скъолæйы номыл скъола бакæнын Тбилисы. Уыцы ахуыргæнджытимæ æмæ педагогтимæ, кæцытимæ рагацау баныхас кодта ацы идеæйы тыххæй, фæлæ йæхæдæг куыд зæгъы, уымæ гæсгæ, йын уæдырæстæджы ахуырады министрад уыцы барлæвæрд нæ ратта.