Абон Эстонийы президент Керсти Калюлайд Гуырдзыстоны президентимæ, Маргвелашвили Гиоргиимæ æмæ паддзахадон æдасдзинады куыстуаты бæрнон кусджытимæ иумæ, Гуры районы дихгæнæг хаххмæ ввахс хъæу Хурвалеты уыдысты.

Ай фæдыл Шида Картлийы информацион центрæн президенты пресс-куыстуатæй фехъусын кодтой.

Ацы рæстæджы ма, уый, Эстонийы президенты уым уæвæг уавæримæ Евроцæдисы цæстдарæгон миссийы къухдариуæгад дæр базонгæ кодта.

«2-аг ноябры, миссийы архайæг разамындгæнæг Эрик Хогг Эстонийы республикæйы президент, йæ бæрзонддзинад Керсти Калюлайды йæхимæ райста. Фембæлды рæстæджы Эрик Хогг цыбыртæй бамбарын кодта президентæн æмæ Эстонийы делегацийæн Евроцæдисы цæстдарæгон миссийы мандаты, ролы æмæ Гуырдзыстоны сæ архайды тыххæй. Фембæлдыл Эрик Хогг сæрмагондæй банысан кодта миссийы патрулир кæныны нысаниуæгдзинад дыууæ хæдрасидгæ регионы, Хуссар Ирыстоны æмæ Абхазийы административон арæнтæм ввахс стабилондзинад æмæ æдасдзинады бахъахъхъæнынæн», – нысангонд цæуы миссийы курдиаты.

Паддзахадон æдасдзинады пресс-куыстуаты минæвары бæрæггæнæнмæ гæсгæ, паддзахадон æдасдзинады агентады информацион-аналитикон департаменты директоры хæдивæг, Кемоклидзе Къахабер Эстонийы президент æмæ делегацийы уæнгтæн алы æртхъирæн æмæ тæссагдзинад радзырдта, кæцы дэ-факто Хуссар Ирыстоны дæлбариуæг регионæй цæуы.

«Амæй дарддæр ма, паддзахадон æдасдзинады агентады минæвар президентæн радзырдта уыцы проблемæты фæдыл, кæцытæ бынæттон цæрджытæн æрвылбон сындзджын телгæрæнтæй, æмбæндтæй, æви æндæр аразгæ барертæй конд цæуы», – нысангонд ис курдиаты.