Мальмейы университеты (Швеци) æмæ Флиндерсы университеты (Австрали) профессортæ æмæ студенттæ, абон, лигъдæтты цæрæнуатмæ ныццыдысты. Бынæттон цæрджытимæ сын фембæлды организаци сарæзтой Шида Картлийы æмбæстагон форумы минæвæрттæ.

Форумы райдайыны агъоммæ цæрæнуат бабæрæг кодтой, студентты иу хай та, лигъдон сабитимæ иумæ, мини фæзуатыл къахпуртийæ ахъазыдысты.

Форумы разамындгæнæг, Омиадзе Лалийы курдиатмæ гæсгæйæ, фæсарæйнаг студенттæ æмæ сæ профессортæ бынæттон цæрджытæй фехъусдзысты информаци конфликты фæстиуæгæн лигъдон гоймæгты уавæрты тыххæй.

Лигъдæтты цæрæнуатмæ æрцыдысты, сæйрагæйдæр, Мальмейы университеты æмæ Флиндерсы университеты кавкасиологийы факультеты профессортæ, декантæ æмæ студенттæ. Уыдонимæ иумæ уыдысты Иванэ Джавахишвилийы номыл Тбилисы паддзахадон университеты профессортæ æмæ студенттæ дæр.

«Тбилисы паддзахадон университеты» организацигондæй уагъд цæуы æртæбонон мадзал номарынæн Гуырдзыстоны конфликтон регионты. Мадзал райдыдта 1-аг ноябры æмæ фæцис 3-аг ноябры. Конференцийы хайад истой Мальмейы университеты æмæ Флиндерсы университеты студенттæ æмæ академион персонал. 1-аг ноябры программæмæ гæсгæ уыдис бынæттон экспертты æмæ профессорты докладтæ. Абон уагъд цæуы панель, цыран хайад райста Гуырдзыстоны кусæг æхсæнадæмон организацийы минæвæрттæ. Фæссихорæй фæстæмæ та, лигъдæтты цæрæнуатмæ ацыдысты», - зæгъы æмбæстагон форумы минæвар.



3-аг ноябры уагъд æрцыд симулацион хъазт æмæ хатдзæг конференцийы фæстиуæгтæн. Уазджытæ лигъдон сабитимæ иумæ къахпуртийæ ахъазыдысты.



Мальмейы университеты профессор лигъдæты базонгæ кодта йе ‘мкусджытимæ æмæ студенттимæ, кæцытæ кавкасиологийы факультеты кусынц æмæ ахуыр кæнынц.