Европæйы Советы рæзынады банчы минæвæрттæ, ИНО-йы рæзынады программæйы (UNDP) уæнгтимæ иумæ, абон Никозы хъæуы уыдысты. Уазджытæ Никозы хъæуы амбулаторийы бабæрæг кодтой, кæцыйæн, 6 азы размæ, раст уыдоны æххуысæй уагъд æрцыд реабилитацион куыстытæ.

Уыцы периоды медицинон уагдоны æнæмæнгхъæугæ инвентар æмæ техникæ нæ уыди, абон та, ифтонггонд у нырыккон аппаратурæйæ æмæ, йæ разамонæг, Мамукашвили Николоз куыд зæгъы, уымæ гæсгæ, дихгæнæг хаххмæ ‘ввахс цæрæг гуырдзиаг æмæ ирон пациенттæн æнтыстджынæй лæггад кæны.

«Европæйы Советы рæзынады банчы минæвæртты æххуысæй амбулаторийы реабилитацийы проекты организаци UNDP-ы сæххæст кодта, хæстæй дыууæ азы фæстæ, 2010 азы кæронæй æмæ 2011 азы райдайæны, фактивонæй 4 мæйы мидæг арæзт æрцыд. Уыдон уæд æрмæст цалцæггонд бæстыхайы федтой, ныр та, 6 азы фæстæ æндæр æмæ æндæр проекты фæлгæтты бакуыстгонд æмæ функцитæй арæзт амбулаторийы интерьер. Нæ зæрдыл æрлæууын кодтам хæсты фæстæ периоды, æркастыстæм уыцы этаптæм дæр кæд æмæ куыд æрхæццæ стæм айонг æмæ сплан кодтам фидæны æмгуысткæнынады перспективтæ», - зæгъы Никозы амбулаторийы разамонæг Мамукашвили Николоз.

Уый ныхасмæ гæсгæйæ, фæсарæйнаг бæстæйы уазджытæ бынатыл уæвæг уавæримæ æмæ бынæттон цæрджыты уавæртимæ базонгæ сты. Уыдон амбулаторийы медицинон уагдонæн балæвар кодтой æрдзон газы судзæн.