Къаралеты лигъдæтты цæрæнуаты байуаргæ цывзыйы хицау у, Уæрæсейы æмбæстаг Робанишвили Давит. Ай тыххæй æрмæг Шида Картлийы информацион центр райста. Робанишвили организаци «Ног дыргъдоны» директор у, кæцы 20 га-ыл садзæнты хæдзарад Чысыл Гареджвары хъæуы (Къаралеты темы) сарæзта.

«Ног дыргъдоны» нырыккон хицæуттæ сты Робанишвили Давит æмæ Тариел (фыд æмæ фырт, дыууæ дæр Уæрæсейы æмбæстонтæ) æмæ Парехелашвили Йосеб (20%).

Къаралеты лигъдæтты цæрæнуаты минæвар Майсурадзе Къаха зæгъы, цæмæй цывзы лигъдæттæн, растдæр, садзæнты хæдзарад байуæрста. Уый ныхасмæ гæсгæ, уæзласæн машинæйы, «Ног дыргъдонæй» рарвитгæ продукты уый хæдзары равдæлон кодтой, цыранæй дихгонд æрцыд лигъдæттæн.

«Мæ хæдзарæй уæрст кæй æрцыд ацы цывзы, раст, æй уый тыххæй банымадтой ацы факты Куртайы муниципалитетыл, æндæра, ацы цывзы хицауад нæ байуæрста, уый байуæрста хæдзарад», – зæгъы Майсурадзе.

Цывзыйы байуарыны садзæнты хæдзарады ролыл категорионæй нæ сæтты ацы хæдзарады юрист Баиндурашвили Сосо. Уый ныхасмæ гæсгæйæ, цывзы садзæнты хæдзарады территорийыл не рзайын кодтой, фæлæ, йæ организацийы бындурæвæрджытæй сæ иу йæхи сæрмагонд зæххы хайыл æрзайын кодта ацы цывзы, кæцы ис хæдзарады фарсмæ.

«Робинашвили Давиты нæ фæнды ацы хæрзаудæндзинады тыххæй йæхи æргомæй равдисын. Уый у нæ организацийы бындурæвæрджытæй сæ иу, кæцы йæхи сæрмагонд тыллæг байуæрста лигъдæттæн. Цывзы йæхи сæрмагонд зæххы хайыл æрзайын кодта», – зæгъы Баиндурашвили Сосо.

Организаци «Цъæх дыргъдонмæ» та, цы хауы, уый 2013 азы июлы мæйы сырæзт æмæ уыцы азы финансгонд æрцыд, паддзахадырдыгæй. Чысыл Гареджвары уæды рæстæджы премьер-министр Гъарибашвили Иракли дæр уыдис уым æмæ сын масштабон проекты сæххæст кæныны тыххæй арфæ дæр ракодта.

Робинашвили Давит 2013 азы «Цъæх дыргъдоны» 50%-он хицау уыд афæдзы мидæг, иннæ 20%-ы та – Парехелашвили Йосебы уыд, фæлæ 30%-ы та, Акопашвили Годердзийы уыд. Организацийы хæйтты фæстаг ивынад 2017 азы январы мæйы æрцыд. Ацы ивынадмæ гæсгæ, 80%-ы фыд æмæ фыртмæ (дыууæ дæр Уæрæсейы æмбæстонтæ – Робанишвили Давит æмæ Тариел) хауы, фæлæ иннæ 20%-ы та, Парехелашвили Йосебмæ хауы, бынæттон цæрæгмæ. Робанишвили Давиты сæрмагонд зæххы хаймæ та цы хауы, уымæн æцæгæйдæр ис 5 га-йæ чысыл фылдæр зæххы хай Къаралеты темы, кæцыйы 2017 азы 8-æм декабры, цывзыйы байуæрстæй 3 боны раздæр балхæдта.

Цывзы лигъдæттæ 2017 азы 11-æм декабры райстой. Уыдон 2008 азы августы хæсты фæстæ сæрмагонд цæрæн хæдзæртты ныууагътой.
Бынæй фотоколлажы æркæсут садзæнты хæдзарады рдыгæй æркæнгæ продуктты æвдисæг фотонывтæм.