24-æм декабры, 11:00 сахатæй, фермер сылгоймæгты ассоциаци г. Тбилисы, (Тбилис Мариотмæ æввахс территорийыл), аразы Цыппурсон базарад, цыран регионтæй æрцæугæ сылгоймæгтæ ауæй кæнынмæ æндæр æмæ æндæр продукттæ æмæ дзаумæттæ рахæсдзысты. Ассоциацийы куыд зæгъынц, уымæ гæсгæ, мадзалы сæйраг нысан у натуралон продукты популяризаци кæнын.

«Базарады фермер сылгоймæгты ассоциацийы уæнгтæй балхæндзыстут традицион æмæ креативон гуырдзиаг продукттæ, хиарæзт мигæнæнтæ æмæ дзаумæттæ, ногазон аксесуартæ. Уазджытæн гæнæн уыдзæнис, балхæной алцыдæр гуырдзиаг, гъæдджын, æнæниз æмæ æууæнкджын продукттæ. Гæнæн уыдзæнис, куыд урсаджы продуктты балхæнын, афтæ, адджинæгты, хус дыргъты, чурчхелаты æмæ кизыхъаг адджинаг дæр. Базарады æвдыст уыдзæнис сæны уæрæх барæвзар, куыд хъæуккон, афтæ æркæнгæ сæн дæр», – зæгъы Шида Картлийы информацион центримæ ныхасы рæстæджы фермер сылгоймæгты ассоциацийы сæрдар Пховелишвили Ирина.

Шида Картлийæ ассоциацийы 50-ай сылгоймаг хайад исы. Адонæй сæ иу хай дихгæнæг хаххмæ ввахс цæры.

«Дихгæнæг хаххмæ ввахс цæрæг сылгоймæгтæ сæйрагæйдæр мыд æмæ урсаджы продукттæ амал кæнынц, Ног азмæ уыдон арæзт натуралон продуктæн йæ ад фенын гæнæн уыдзæнис Гуырдзыстоны сæйраг горæты Тбилисы», – зæгъынц акцийы организатортæ.