Дэ-факто Хуссар Ирыстоны минæвар, Джиоты Мурæты курдиатмæ гæсгæ, цъæх банеры ныр дыккаг хатт ныххуынчъытæ кодтой. Ай фæдыл, уый, знон Эргнеты ауагъд бадзырды рæстæджы, расидтис.

Уый курдиатмæ гæсгæйæ, æнгæс инцидент а.х. арæнон хаххмæ ввахс территорийыл хъыг дары стабилондзинадæн. Факты тыххæй, Гуырдзыстоны хицауады минæвæрттæ хъусинаг нæ сарæзтой.

19-æм декабры, Эргнеты инцидентты превенцийы æмæ уыдоныл реагиркæнынады механизмы (IPRM) радонæй 83-æм фембæлд уагъд æрцыд. Гуырдзыстоны централон хицауады минæвæрттæ фембæлды хайадисджытимæ иумæ уыцы инциденттæм æркастысты, кæцытæ Цхинвалы регионы æрдæмадмæ, дихгæнæг хаххы æмæ уырдæм æввахс территорийыл ацы азы 16-æм ноябрæй 18-æм декабрмæ периоды фиксиргонд æрцыдысты.

Паддзахадон æдасдзинады куыстуаты минæвары, Кемоклидзе Къахаберы курдиатмæ гæсгæ, фембæлдыл, регионы æрцæугæ милитаризацийы процессы æмæ 2017 азы дæргъы ауагъд æнæзакъонон æфсæддон ахуырты фæдыл æрныхас кодтой.

«Сæрмагонд хъусдард аздæхтой оккупацион хаххмæ ввахс территоритыл а.х. «Бордеризацийы» æнæзакъонон процессæй сырæзгæ проблемæтæм æмæ 2014 азы, оккупиргонд Ахалгоры фæтарыуæвæг, фæлæ фæстæдæр мард Гуырдзыстоны æмбæстоны Башарули Давиты хъуыддаджы фæдагуырды æнæмæнгдзинады фарстæмæ», – загъта Кемоклидзе Къахабер.