Звиад Гамсахурдийы цæрæнбоны фæстаг 50-ай боны тыххæй ист кинофильм «Хибула», Гуры, культурæйы центры залы равдыстой. Филмы премьерæ Тбилисы 23-æм ноябры уагъд æрцыд æмæ ноджыдæр дарддæр цæуы. Гуйраг артистты Кишвард Манвелишвилийы, Къаха Беридзе æмæ Заза Царулашилийы сгуыхдзинадæй, филмы равдыстæй лæггаддзинад регионты ацы этапыл æрмæст Гурмæ æрхауд. Растдæр ацы артисттæ хъазыдысты «Хибулайы», се хсæн, Кишвард Манвелишвили премьер-министры, Бесарион Гугушвилийы ролы æххæст кæны.

Филмы равдысты фæстæ залы дискусси бацайдагъ. Дыууæ эпизод, кæцы дискусси расайдта, фыццаг уыдис фынгыл загъд фразæ: «Уæлахиз уæд Гуырдзыстоны гуырдзиæгтæ» æмæ дыккаг, хъахъхъæнынады хистæры æнæуаг ахаст чызгмæ.

Кæсджыты иу хай хъуыды кæны, цæмæй ацы фразæйы комкоммæ бамбардзысты, кæцы бæстæйы уыцы периоды ныппырх кæныны былгæронмæ бакодта.

Филмы режиссер у Георги Овашвили. «Хибула» нын дзуры президент Звиад Гамсахурдийы фæстаг бонты цæрæнбоны фæдыл. Бæстæйы фыццаг хицау, кæцы адæмы хъæлæсы абсолютон фылдæрадæй æвзæрст æрцыд, тагъд рæстæджы æфсæддон фæфæлдæхты фæстиуæгæн лигъдон уавæры февзæрдис. Уый тых æмæ барады сæндидзын кæныны тыххæй æрыздæхт, фæлæ йын дзы ницы рауадис æмæ чысылнымæц къордимæ иумæ хæхты йæхи бааууон кодта. Филм «Хибула» раст ацы эпизодæй райдайы.

Йæ номхуынд та уыцы хъæуæй цæуы, цыран президенты цæрæнбон, кæронмæ æбæрæг уавæрты, фæцис.