1 февралæй Скрайы лигъдæтты цæрæнуаты артътерапийы къорд «Трамполинæ» арæзт æрцæудзæнис, кæцыран 6-14 азы онг сабитæ хайад райсдзысты. Проекты автор у организаци «Картлоси», кæцы польшæйаг эксперттимæ иумæ артътерапийы курсытæ ауаддзæнис æмæ бынæттон темы лидерты æмæ ахуыргæнджыты сцæттæ кæндзæнис.

Артътерапийы тыххæй специалон программæ куыстгонд æрцæудзæнис, æмæ тематикон чингуытæ польшæйаг æвзагæй гуырдзиагмæ ратæлмац кæндзысты.

«Артътерапи æмæ хъазтæй терапи сабитимæ кусыны раздзог мигæнæн у. Ацы дыууæ арæхсты æдде сабитимæ нæ бакусдзынæ. Нывтимæ, аргъæуттимæ, нывæфтыдтытæ кæнгæйæ, хъазæнты равæрдимæ æмæ хъазæнты инструкцитимæ сабитæн сæ миддуне æргом кæны: цы йæ хъыг дары, куыд сты ролтæ дихгонд йæ бинонты хсæн, цахæм æмахастытæ йын ис æндæртимæ», - зæгъы Бибилури Меги, «Картлосы» къухдариуæггæнæг.

Артътерапи нысан кæны кæцыфæнды аивадæй спайда кæнын терапион нысæнтты тыххæй: ныв кæнын, нывæфтыдтытæ кæнын, фыссын, музыкæ, фильм.

«Уый нын амалдзинад дæтты нæхи аиуварс кæнæм æнæзæрдæмæдзæугæ вербализацийæ æмæ нæ тыхтæ раттæм исты сфæлдисынмæ, исты аразынмæ. Уый амалæй сæрибар кæнæм стресæй æмæ посттравмæйон симптомтæй, хи раиртасын, сфæлварын, бамбарын, банкъарын, афтæ ма æмахастыты æрбæстон кæнын адæймæгты ‘хсæны æмæ креативдзинады рæзынадæн. Ныфс мæ ис, цæмæй ацы пилотон программæ баххуыс кæндзæн сабитæн активондæртæ суæвынæн æмæ ноджы æнцондæрæй равдисын сæ гæнæндзинæдтæн», - зæгъы Бибилури Меги.

Æнгæс æрдæмадæй æмахастытæ организаци «Картлосæн» бынат фæивæг гоймæгтимæ ивгъуыд азы дæр уыд, кæцы проекты адарддæр кæныны хъæугæдзинады расайдта. Организатортæ хъуыды кæнынц, цæмæй хæстбавзарæг ног фæлтæры сплангонд активтæ хорзырдæм фæстиуæг фенын кæндзысты.