Къахпортийы къорд, кæцы «Самачаблойы» номхуындæй 2017 азы арæзт æрцыд, абон ныппырхы ‘ввонг у. Ай фæдыл капитан Меребашвили Нодо Шида Картлийы информацион центримæ ныхас кодта.

Уый ныхасмæ гæсгæйæ, ацы цыбыр периоды, къахпортийæ хъазджытæ дыууæ – «Ахалбагъийы» æмæ «Картлийы» спортивон фæзтæ раивтой. Æртыккаг хатт та, сын æндæр гæнæн нал уыдис æмæ, тренировкæйæн, горæты сыхты уæвæг, миниспортивон фæзæй спайда кодтой.

Миниспортивон фæзыл та, дзаумæттæ раивынæн бынат нæй, цъæлтæ сты дуæрттæ, рудзгуытæ, туалет. Ацы миниспортивон фæз 2017 азы райдианы, æндæр дæс мини спортивон фæзтимæ иумæ, цалцæггонд æрцыд, цыран 1,5 милуан ларийæ фылдæр бахардз ис.

«Сæрæй 200-мæ ‘ввахс сабийы уыдыстæм. Къорд æнæхицауадон организацийы хуызæй арæзтгонд æрцыд æмæ йын цытджын разамонæгæй парламентар Хъавелашвили Арчилы сæвзæрстой. Бындурæвæрджытæ æмæ мах, сабиты æххуысæй, ерыстыл нæхи хæрдзтæй хайад истам. Аспарез кæнын фæндзæм лигæйы райдыдтам, фæлæ зæгъæн ис æмæ æнæнхъæлæджы къулымпыдзинæдтæ фæзынд», - зæгъы Меребашвили Нодо.

«Самчаблойы» къахпортийы къорды уæнгты нырма Гуры «Гуры» спортивон фæзыл нæ бауагътой, уый фæстæ та, сын «Картлийы» спортивон фæз дæр сæхгæдтой. Дыууæ спортивон фæзы дæр лæвæрд сты «Дилайы (райсомы)» спортивон фæзы æххæстгæнæг къухдариуæгад Гиа Исианмæ. Уый дæлбар сты, раст, уæлдæр ранымадгонд дыууæ спортивон фæзы дæр.

Ацы хабаримæ æвзонг къахпортийæ хъазджытæ абон журналистты базонгæ кодтой. «Гуры» æмæ «Картлийы» спортивон фæзы цæстдарæг журналисттæм йæхи нæ равдыста, афтæ-ма, официалон комментари нæ аразынц «Самачаблойы» къахпортийы къорды бындурæвæрджытæ дæр.

Бæрæггонд цæуы, цæмæй «Къахпортийы клуб Самачабло» нырма иунæг паддзахадон куыстуат дæр не сфинанс кодта. Меребашвили Нодойы ныхасмæ гæсгæ, 200 хъомылгæнинаг къахпортийæ хъазджытæй ма, ныртæккæ, 50-мæ ‘ввахс баззадис.

«Сæрмагонд финанстæй сифтонг кодтам Эргнеты спортивон фæзы, цыран турниртæ уагътам, тренировкæтæн та, Гуры æртымбыл вæййæм. Нæ къорды уæнгтæ сты лигъдæттæ котеджтæй. Эргнеты сплангонд турниртæ, раст, уыцы нысанæн лæггад кодтой, цæмæй ацы къахпортийæ хъазджытæ максималонæй æввахс уыдаиккой сæхи территоримæ, фæлæ, идеæйы ныхмæ гоймæгтæ разындис», - зæгъы Меребашвили Нодо.

Акциа-фæлтæрыны уадзгæйæ сбæрæг, цæмæй клуб финансгонд æрцæудзæнис, фæлæ, фæлтæрыны спортивон фæзы хъысмæт бæрæг нæу. Сом Гуры спорты министрады минæвармæ æнхъæлмæ кæсынц, цыран официалонæй бæрæггонд æрцæудзæн «Самачаблойы» фидæны плæнтты тыххæй.