Музейы равдыстон тыгъдад абон бæстæйы фыццаг гоймаг бабæрæг кодта.

Маргвелашвили Гиоргийæн, экспонтты тыххæй, информаци «Æмбалады хид Картлосы» разамонæг Бибилури Меги бадæтта. Президенты резервон фонды æххуысæй проект оккупацийы музейтæ Шида Картлийы раст ацы организаци сарæзта. Проекты нысан у Уæрæсейы Федерацийы ‘рдыгæй Гуырдзыстоны оккупацийы æмæ сусæг анексийы фарстæтыл цæрджыты æмбарынад фæхуыздæр кæнын æмæ æнæформалон ахуырады æнцонвадат скæнын у.

«Музейы æвæрд банертæ 2008 азы августы хæсты æмæ уый фæстиуджытæ æвдисы. Равдыстон тыгъдады деталон информацимæ хауы фæмардуæвæг сабырадон æмбæстонты, дохтырты, журналистты, æфсæддон гæсты æмæ а. д. статистикæйы фæдыл. Æрбацæуæг ам оккупирон хъæуты тыххæй нырмæ æнæзонгæ деталтæ базондзæнис», - зæгъы музейы саразыны инициатор.

Президент абон ам иу хъæуæй æвзонг лигъдоныл дæр фембæлдис, кæцы ацы музеймæ æрбахаста сыгъд хæдзары дæгъæлтæ. Мазмишвили Лейла бæстæйы президентæн фембæлды рæстæджы радзырдта Ачабеты хъæуы ныууадзыны фæстаг минуттæ æмæ реликвион æфснайд дæгъæлты историйы тыххæй.

Абон организаци Картлосы разамонæг йæхи редакцигондæй мыхуыры рауагъд дыууæ чиныг «Хæсты иннæ цæсгом» æмæ «Дохтыртæ сабырадæн» балæвар кодта президентæн, кæцыты конфликтты фоныл гуырдзиæгты æмæ ирæтты ‘хсæн æмæххуысдзинад æмæ æмгуыстад æвдыст цæуы. Музейы тыххæй Маргвелашвили Гиорги студенттимæ фембæлды рæстæджы æрныхас кодта æмæ æхсæнадæн равдыстон тыгъдады нысаниуæгдзинадыл хисæрмагонд цæстæнгас дæр загъта.

Музейы ролыл æрыгон фæсивæды ныстуаны комментари горæты мер дæр сарæзта. Равдыстон тыгъдад бынæттон хицауады минæвæрттæ президентимæ иумæ бабæрæг кодтой.

Равдыстон тыгъдады презентаци хæрз æввахс рæстæджыты уагъд æрцæудзæнис. Оккупацийы музей Гуры фæстæ Шида Картлийы æндæр муниципалитетты дæр байгом уыдзæнис. Сырæзгæ равдыстон тыгъдæдтæ нысангонд сты интегрирон урокты, лекциты, æхсæнадон фембæлдты æмæ дискусситы ауадзынæн.