Дихгæнæг хаххмæ ‘ввахс Корды хъæуы цæрæг Сагъирашвили Никъа ныр дыууæ азы сæфтыл нымад у. Ууыл æппæтдунеон агуырд Интерпол расидтис.

Гуырдзыстоны мидхъуыддæгты министрад æмæ прокуратурæйы бæрæггæнæнтæм гæсгæ, Сагъирашвили Никъайы тыххæй, бахатыдысты Уæрæсейы, Кувейты, Сауды Аравийы æмæ Монтенгрины æмбæлон уагдæттæм. Амæн йæ аххосаг бинонты уæнгты мобилон телефоныл, æндæр æмæ æндæр рæстæджы арæзт телефоны дзæнгæрæджы райхъуыст у.

Иу цауы рæстæджы, Сагъирашвили Никъайы фыдæн, ацы этапыл æнæзонгæ гоймаг афтæ загъта, цæмæй уыимæ йæ хъæбул кæй ныхас кодта. «Никъа дам дæн, баба, Никъа æмæ ахицæн кодта телефон», - дзуры лæппуйы фыд. Уый фæстæ, бинонты уæнгтæ уыцы номырмæ цалдæр хатты бафæлвæрдтой фæдзурын, фæлæ сын ничи сдзуапп кодта.

Ацы комментаритæм гæсгæйæ, бинонты ныфс ис, æмæ сæ 27 аздзыд Сагъирашвили Никъа удæгас кæй у.

2016 азы майы мæйы Сагъирашвили Никъа йе ‘рдхорды хæдзары минас кодта йе ‘мбæлттимæ иумæ. Йæ хæлæрттæн загъта, донхорыгы системæ дам мын æнæхгæдæй баззад æмæ дам æй сæхгæнон æмæ рацыдис уырдыгæй. Йæ къахы фæдмæ гæсгæйæ уый архы къанауы рдæм арастис доны сæхгæнынмæ. Уый фæстæ йæ фæд фесæфтис.

Донхорыг доны райдайæн ис дихгæнæг хаххы цур, æфсæйнаг æмбондмæ ‘ввахс. Цъæх æмбæндтæ Уæрæсейы æфсæддонтæ сарæзтой дэ-факто Хуссар Ирыстоны Республикæйы а. х. арæнты æрнысан кæнынæн, смонтаж кодтой. Лæппуйы хæстæджытæ гуырысхо кæнынц, цæмæй Сагъирашвили Никъайы Уæрæсейы æфсæддонтæ акодтой.

Эргнеты ауагъд бадзырдты рæстæджы, Гуырдзыстоны паддзахадон æдасдзинады куыстуаты минæвæрттæ цалдæр хатты æркуырдтой кæсæн камерæты фыстыты, фæлæ, уырыссаг фарс ацы æрмæг Гуырдзыстоны делегацийæн нæ дæтты. Уырыссаг фарс зæгъы, зæгъгæ дам, Сагъирашвили Никъайы ацырдыгæй не ‘рцахстой.