18-æм майы Хурвалеты хъæуы цур 23 аздзыд æрыгоны машинæ скъуырдта æмæ амард. Автомобилы скъæрæг Гуры мидхъуыддæгты уагдоны Ереды полицæйы хайады хистæр разынди.

Телекомпани «Имеды» бæрæггæнæнмæ гæсгæ, Дицы хъæуы гуырд нæлгоймаг автобанæй лигъдæтты цæрæнуатмæ фистæгæй фæцæйцыд. Фото дæр телекомпани «Имеди» рапарахат кодта.

Факты фæдыл информаци мидхъуыддæгты министрад дæр парахат кæны. Уагдоны бæрæггæнæнмæ гæсгæ, амæлæг у фыццаг класы рæнхъон.

«Мидхъуыддæгты министрады Шида Картлийы полицæйы департаменты æмæ патрулон полицæйы æмкусджытæ ацы аз 18-æм майы ног Хурвалеты хъæуы автомобилон фæндагыл æрцæугæ автофæндагон цауы тыххæй фæдагуырд уголовон кодексы 276-æм пункты 5-æм хайæ райдыдтой, кæцы нысан кæны транспорты змæлды æдасдзинады кæнæ эксплуатацийы фæткы фехалын, кæцы адæймаджы царды скуынæг расайдта».

Фыдракæнды сарæзтмæ хауы 4-азæй 7-азы æмгъуыдмæ сæрибардзинады байсынад, 3-азы æмгъуыдмæ гæсадæй кусын кæнæ хъуыддаг аразыны бардзинады байсын.

Æппæты фыццагон информацимæ гæсгæ, 2018 азы 18-æм майы Шида Картлийы полицæйы департаменты Ереды районон уагдоны фыццаг хайады хистæр, полицæйы майор Колоташвили Тенгиз йæхи сæрмагонд машинæйыл змæлыд, ног Хурвалеты хъæуы цур куы ныццавта фистæгæй цæуæджы, гæрзифтонг тыхты фыццаг класы рæнхъон, 1995 азы гуырд æмæ бынатыл амардис. Æрцæугæ фактмæ гæсгæ уагъд цæуы оперативон фæдагуырдон куыстытæ. Нысангонд æрцыд æмбæлон экспертизæтæ», - дзырд цæуы мидхъуыддæгты курдиаты.