Гуры «Оккупацийы музейы» Хвадагиани Иракли æвзонг хъусджытæн фенын кодта æмæ равдыста уыцы фото, цыран Гуырдзыстоны хæдбардзинады актыл къух æрфыссæг æмæ, уый фæстæ, ацы акты сногыл къух æрфысджыты нывтæ сты æвдыст. Советон ивгъуыды иртасæны лабораторийы иртасæг ацы фотойы 20-æм æнусы фото-иллюстраци рахуыдта.

Фотойыл 1918 азы хæдбардзинады актыл къух æрфыссæг, Натадзе Гиго йæ хъæбулы хъæбултимæ – Натадзеты Нодар æмæ Майаимæ иумæ у. 1991 азы 9-æм апрелы Гуырдзыстоны хæдбардзинад сног ис, Натадзеты Нодар æмæ Майа Национ Советы уæнгтæ уыдысты. Сноггæнгæ актыл, раст, уыдон дæр сæ къух æрфыстой.

21-æй 25-æм маймæ, æнæхицауадон организаци «Сида» æмæ æмбæстагон æхсæнады регионалон хыз (R-CSN), демократон хайадисты центырты хызимæ партнерадæй, Гуырдзыстоны регионты æмбæстагон къуырибоны аразынц, кæцыйы фæлгæтты, Гуырдзыстоны фыццаг демократон республикæйы 100 азы юбилейы цытæн, тематикон фембæлдтытæ уагъд цæуы.

Спикертæ презентацитæ æмæ æхсæнадон дискусситæ ахæм фарстæтыл аразынц, цахæмтæ сты: хæдбардзинады идейæйы трансформаци 1918 азы онг, Конституцийы нысаниуæг æмæ историон ракурс, ахуырады системæ, Гуырдзыстоны фыццаг демократон республикæйы культурон цард, хæдхицауиуæгад æмæ социалон-экономикон уавæр.

Æмбæстагон къуырибоны нысан у регионты бынæттон цæрджыты, æвзонг фæсивæды, æмбæстагон секторы æмæ дзыллон информацийы минæвæртты æмбарынады сбæрзонд кæнын Гуырдзыстоны фыццаг демократон республикæйы тыххæй. Дискуссийыл æмæ семинартыл, ныртæккæйы реалондзинадмæ гæсгæ, уæдыккон реалондзинады æмæ фæзындты анализ кæнын.

Мадзæлттæ Гуырдзыстоны 9 регионы (Къахет, Квемо Картли, Шида Картли, Мцхета-Мтианет, Самцхе-Джавахет, Имерет, Гуриа, Самегрело, Ачъара) уагъд цæуы.

Æмбæстагон къуырибонæн финансон æххуыс кæны Скæсæн-Ныгуылæны фæткдæттæг институты (EWMI) ACCESS-йы проект.

«Реалонæй ацы фото у махæн 20-æм æнусы тынг цымыдисон иллюстраци, уымæн æмæ ацы адæймаг, Натадзе Гиго æмæ йе ‘фсымæр Натадзе Лео уыдысты Национ Советы депутаттæ æмæ уыдон 1918 азы 26-æм майы сæ къух æрфыстой Гуырдзыстоны хæдбардзинады актыл. Уыцы чысыл сабитæ кæцыты уынут фотойыл, сты уымæн йæ хъæбулы хъæбултæ, Нодар æмæ Майа Натадзетæ, кæцытæ уыдысты Гуырдзыстоны уæлдæр советы депутаттæ, кæцытæ 1991 азы 9-æм апрелы сæ къух æрфыстой Гуырдзыстоны хæдбардзинады сногкæныны актыл».