Дихгæнæг хаххмæ ‘ввахс Квешы хъæуы астæуккаг скъолæйы реабилитацион куыстытæ Америкæйы хицауады сфинансгондæй уагъд æрцæудзысты. Ай фæдыл Шида Картлийы информацион центрæн скъолæйы директор Бибилури Лейла фехъусын кодта.

Уый ныхасмæ гæсгæ, минæварады минæвæрттимæ фембæлд чысыл раздæр уагъд æрцыд, цыран скъолæйы кусджытæн фехъусын кодтой, цæмæй куыстытæ ацы аз сæрдæй райдайдзысты.

Квешы астæуккаг скъолæйы бæстыхай аварион у. Уымæй фыддæр уавæры ис спортивон зал. Специалистты уынаффæмæ гæсгæ, зæронд спортивон зал æнæхъæнæй хъуамæ пырхгонд æрцæуа. Уый бæсты та, ног зал арæзт æрцæудзæнис.

Скъолæйы реабилитацийы куыстыты сæххæст кæнын, 2017 азы октябры мæйы, ахуырады министрады ахуырадон инфраструктурæйы агентады финансгондæй хъавыдысты. Фæлæ, тендер нал расидтысты.

Шида Картлийы информацион центр фыста, цæмæй 2017 азы ноябры мæйы Квешы скъолæйы уæлхæдзар æркалдис. Амæ гæсгæйæ, ахуыры процессы æрурæдтой. 229 скъоладзауæй 82 ахуырдзауы Квемо Арцеуы райдиан скъолæмæ рарвыстой. Иннæ 147 та – Гареджварийы скъолæмæ.