Гуры муниципалитеты Меджврисхеуы хъæуы 2019 азы ног, нырыккон стандарттæм гæсгæ, 6 къордæн æмбæлгæ сабиты рæвдауæндоны арæзтад райдайдзæн.

Чысыл раздæр фæцис Меджврисхеуы хъæуы Гуры муниципалитеты мэрийы минæвæртты фембæлд бынæттон цæрджытимæ. Ныхасы темæ хъæуы сабиты рæвдауæндоны фарстмæ хауд. Скъолæагъоммæйы хъомылады агентады разамонæг, Ковзиашвили Лиайы курдиатмæ гæсгæ, Самхараулийы номыл экспертизæйы бюройæ Меджврисхеуы хъæуы сабиты рæвдауæндоны тыххæй скъуыддзаг райстой, кæцымæ гæсгæ йæ функциониркæнынад уагъд нæ цæуы.

«Скъуыддзаджы дзырд цæуы, цæмæй ацы бæстыхайы сабиты рæвдауæндоны функционир кæнын нæй гæнæн. Раст ацы информацийы тыххæй ныццыдыстæм Меджврисхеуы хъæумæ, æмæ ацы скъуыддзаджы мидисимæ базонгæ кодтаиккам ныййарджыты. Сæхгæдтам рæвдауæндоны æмæ сын алтернативон бынат, а.х. фабрикæйы цæрæнуаты раттам. Сентябры мæйæ ацы рæвдауæндон адарддæр кæндзæн функционир кæнынад æрмæст æндæр бынаты», - зæгъы Ковзиашвили Лиа.
Меджврисхеуы хъæуы сабиты рæвдауæндоны хъомылгæнинæгты контигент у æдæппæт 135. Ног ахуыры азæй уыдонæн алтернативон бæстыхаймæ цæуынæн специалон транспорт балæггад кæндзæн.