Карелы муниципалитеты дихгæнæг хаххы цур уæвæг хъæу Чъвринисы æмæ Гулианткъары хъæуы дон лæсæн къанаутæ арæзт æрцæудзæнис, фæлæ Бредзайы хъæуы та, донхæрæггæнæн системæйы реабилитацион куыстытæ уагъд æрцæудзæн.

Ай фæдыл Шида Картлийы информацион центрæн Карелы муниципалитетæй фехъусын кодтой.

Муниципалитеты информацимæ гæсгæ, дон лæсæн къанаутæ æмæ донхæрæггæнæн системæйы проектон документаци, USAID – Zrda – проекты фæлгæтты арæзт æрцыд, инфраструктурон проекты сæххæст кæныны хæсдзинад та Карелы муниципалитетæн бахæс кодтой.

Бредзайы донхæрæггæнæн системæйы реабилитацийæн 43594 лари ис рахицæнгонд. Чъвринисы дон лæсæн къанауы аразынæн та – 43433 ларийы, фæлæ Гулианткъары хъæуы та дон лæсæн къанаутæн 49572 ларийы бахардз кæндзæн Карелы муниципалитет.

«Дихгæнæг хаххы цур хъæуты инфраструктурон куыстыты уагъд 2019 азы кæроны æнæхъæнæй фæуыдзысты», - зæгъынц Карелы муниципалитеты мэрийы.