Дихгæнæг хаххмæ ‘ввахс Эргнеты хъæуы «Хæсты музейы» фильм фенын кодтой, кæцы нын сындзтелгæрæнмæ ‘ввахс цæрæг 7 сылгоймаджы тыххæй радзурдзæн. Фильмы равдысты уыдис Америкæйы минæвары хæсты æххæстгæнæг Елизабед Руди дæр.

Презентацийы рæстæджы минæвары хæсты æххæстгæнæг Елизабед Руди банысан кодта, цæмæй АИШ-ы хицауад Гуырдзыстоны территорион æнæхъæндзинады æмæ суверенитеты æвварсхæцæг кæй у.

«Фæнды нæ ноджы иу хатт банысан кæнæм, цæмæй Америкæйы Иугонд Штаттæ иузæрдыг æвварсхæцæг кæй у Гуырдзыстоны территорион æнæхъæндзинады æмæ суверенитеты», - загъта Елизабед Руд.

Дихгæнæг хаххы цур цæрæг сылгоймæгты тыххæй бацæттæгонд видеороликты – «Сылгоймæгтæ сындзтелгæрæнты ныхмæ» - æвдисын райдыдта Фидыды æмæ æмбæстагон æмбарады фарстæты Гуырдзыстоны паддзахадон министры аппарат.

Видеороликты æвдыст цæуы дихгæнæг хаххмæ ‘ввахс хъæуты цæрæг авд сылгоймаджы цард 2008 азы августы хæсты фæстæ, кæцытæ уæззау уавæртæм æмæ стыр зындзинæдтæм æнæгæсгæйæ, уæддæр сæ бон бацис суыдаиккой æнтыстджын æмæ арæзтаиккой ахæм хъуыддаг, кæцы æрмæст уыдонæн нæ, фæлæ æгас хъæуæн æмæ уым цæрæг цæрджытæн пайдахæссæг уыдаид.

Видеороликты нысан у конфликттæй зианбаййафæг сылгоймæгты ролы равдисын, сæ куыстдзинады æмæ потенциалы, афтæ ма ноджыдæр сæ уæндондзинады æмæ сабырадон тырнынæдты тыххæй информацийы раргом кæнын у.