«Конфликты психологийы æмæ ивддзинæдты теори» - ацы темæйыл Гуры демократийы скъолæйы уагъд æрцыд фембæлд. Августы хæстæй 10 азы рацыды фæдыл, специалонæй æрхуынд польшæйаг æхсæнадæмон эксперт - профессор Томаш Теодорчик.

Уый фембæлдыл уæвæг æхсæнадæн конфликты фæдыл йæхи сæрмагонд фæлтæрддзинад раргом кодта.

Воркшопы демократийы скъолæйы курсфæуджытæ, æмбæстагон æхсæнады минæвæрттæ, дзыллон информацийы æмæ æндæр бацымыдисгæнæг гоймæгтæ уыдысты фембæлдыл. Фембæлд уагъд æрцыд «Картлосы» организацигондæй.

Польшæйаг эксперт æндæр æмæ æндæр бæстæйы конфликттыл ныхас кодта æмæ уыцы ахадындзинæдтыл æрныхас кодта, кæцыдæриддæр хæстон архæйдтыты фæстиуæгæн адæймæгты æмæ æхсæнадыл фæзындзæн.

Профессор Томаш Теодорчикæн ис 20 азон фæлтæрддзинад æндæр æмæ æндæр конфликтон регионты се ‘хсæн Экваторы, Африкæйы, Косовойы, Украинæйы æмæ æнд. Уый у психолог, психотерапевт, æхсæнадон фасилитатор, процессы психологийы академийы саразæг, фонд «Контрастты форумы» бындурæвæрæг, «RS POP ZURICH» æмæ ма ноджы у «IAPOP»-йы уæнг, социалон проектты, тренингты, мастер-къласты, статьяты æмæ чиныджы автор.

Фембæлды хайадисджытæ кæрæдзийæн кæронбæттæн хайы хисæрмагонд хъуыдыты раргом кодтой æмæ сыл æрныхас кодтой, куыд æмбарынц конфликт æмæ цы къахдзæфтæ аразы уыдонæй алчидæр cæ ныхмæлæууæг цæстæнгасы æмæ позицийы уæвæг адæймæгтимæ æмахастыты.